Կատու

Պատրաստենք կատու օրիգամիի միջոցով.

Անհրաժեշտ է
Քառակուսի թուղթ։

Վերցնենք թուղթը

1. Անկյունագծով թուղթը ծալենք հավասար մասերի

2. Թուղթը շուռ տանք

3. Երկու հանդիպակաց անկյունները ծալենք դեպի վեր

4. Պատրաստվածքը հին ծալքով կրկին ծալենք հավասար մասերի, ինչպես առաջին քայլում։ Վեր ծալված անկունները պետք է դեպի ներս լինեն։

5. Այժմ պետք է ականջները պատրաստենք։ Դրա համար պատրաստվածքը թեքենք և կրկին ծալենք մյուս անկյունագծով։
* Եթե աչքաչափը լավ է կամ ձեռքի տակ քանոն կա, ապա այս քայլը կարելի է բաց թողնել, քանի որ այս ծալքը անհրաժեշտ է միայն կատվի գլխի կենտրոնը գտնելու համար։

6. Բացենք թուղթը և այն կրկին ծալենք 1 կետում նշված կերպով։

Այժմ պատրաստվածքն ունի այսպիսի տեսք (4-րդ կետի նման, միայն կենտրոնում ծալքով)

7. Այժմ երկու թեք ծալքեր անենք կենտրոնից համաչափ հեռավորության վրա։

8. Ծալքերի այդ գծերով երկու անկյունները ծալենք դեպի ներս։ Կստացվի այսպիսի դետալ.

9. Իսկ այժմ դեպի ներս ծալած անկյունները ուղղահայաց դեիրքով դեպի վեր ծալենք, որպեսզի ստանանք կատվի ականջները.

Կատուն պատրաստ է՝

Ականջները կարելի է ավելի հեշտ տարբերակով ստանալ։ Դրա համար վերադառնանք 6-րդ կետին.

Ականջները ծալենք անմիջապես կենտրոնից.

Եթե հիմա պատրաստվածքը շուռ տանք հակառակ կողմը, կստանանք առաջին տարբերակից փոքր-ինչ տարբերվող կատվի մռութ։

Այս տարբերակը առաջինից ավելի հեշտ է, սակայն նրա հետևի կողմն այնքան էլ կոկիկ չէ։

10. Մնում է գունավոր ֆլոմաստերներով կատվի մռութը նկարել.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։