Ծիտիկներ ձեռնոցներից

Այսօր ձեռնոցներից կպատրաստենք ծիտիկների բույն՝ ծիտիկներով։

Այն պատրաստելու համար անհրաժեշտ է՝ ձեռնոց, սև հուլունքներ, կարմիր կամ նարնջագույն թուղթ, բրդյա շագանակագույն թել կամ բամբակ, թել ու ասեղ և սոսինձ։

1. Ձեռնոցի մատների ծայրերին կարում ենք թելերից պատրաստված կատարներ։

2. Յուրաքանչյուր մատի վրա կարում ենք 2-ական հուլունք-աչք։

3. Գունավոր թղթից կամ հաստ կտորից կտրում ենք բերանը և ասեղի ու թելի օգնությամբ այն ամրացնում աչքերից քիչ ներքև.

4. Ձեռնոցը հագնում ենք ձեռքին և դաստակի մասում բդրյա թել փաթաթում վրան։ Փաթաթանի վերին և ներքևի հատվածներում թելն անհրաժեշտ է փոքր-ինչ ձիգ փաթաթել։ Կստանանք մեր ծիտիկների բույնը։

5. Բույնը կարելի է պատրաստել բամբակով՝ այն սոսնձելով ձեռնոցի դաստակի շուրջը։

Ձեռնոցը հագնում ենք ձեռքին, մատներն իրարից հեռու պահելով և շարժելով։ Մեր ծիտիկները պատրաստ են։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։