Կ
րիաները սողունների կարգի կենդանիներ են:Նրանցից շատերը հարմարվել են քաղցրահամ ջրերում ու ծովերում ապրելու պայմաններին. հիանալի լողում են, ջրում արագաշարժ են ու ճարպիկ՝ չնայած ցամաքում ծանրաշարժ են ու դանդաղկոտ: Կան շատ փոքրիկ կրիաներ (մարմնի երկարությունը՝ 7,5 սմ, կենդանի զանգվածը՝ 50 գ), կան և բավական մեծերը (մարմնի երկարությունը՝ 254 սմ, կենդանի զանգվածը՝ մինչև 400 կգ): Կրիաների մարմինն ամփոփված է ոսկրային զրահում, որը առջևից ու հետևից ունի անցքեր, որտեղից կենդանին դուրս է հանում գլուխը, պոչը և վերջույթները: Վերջիններիս շարժումներն ապահովում են կրիայի շնչառությունը: Կրիաները հիմնականում բուսակեր են. ծովային տեսակները սնվում են ջրիմուռներով և մանր կենդանիներով: Կրիաները կարող են նաև մի քանի ամիս ոչինչ չուտել: Կրիաները ջերմասեր են: Ցուրտ եղանակներին նրանք ընկնում են թմրության մեջ և կարող են ձմեռային ու գարնանային քուն մտնել:
Այսօր մենք պլաստիլինից ծեփելու ենք կրիա։
Անհրաժեշտ է՝ գունավոր պլաստիլին, պլաստիլինի դանակ, գունավոր կոճակներ, հուլունքներ։
1. Պատրաստենք կրիայի պատյանը։ Դրա համար գունդ ենք սարքում, ապա մի կողմից տափակեցնում գունդը։ Բարակ պլաստիլինե երիզներից պարույրներ ենք սարքում կամ հուլունքներով, կոճակներով զարդարում կրիայի պատյանը։
2. Կրիայի գլուխը պատաստելու համար գլան ենք պատրաստում, վիզը փոքր-ինչ ճկում, կպցնում աչքերն ու, դանակի օգնությամբ փոքրիկ կտրվածք անելով, ստանում բերանը։
3. Պատրաստում ենք 4 ոտքերը՝ մի ծայրը սեղմված գլանների տեսքով։ Կրիայի ոտքի մատների հատվածները զգուշորեն գծում ենք դանակի օգնությամբ կամ ուրվագծում շշի կափարիչի միջոցով.
4. Բոլոր մասերը միացնում ենք իրար՝ դանակի օգնությամբ միացման հատվածները հարթեցնելով։
