Սովորենք ծեփել կոկորդիլոս։
Անհրաժեշտ է՝
կանաչ, նարնջագույն, սև ու սպիտակ պլաստիլին, դանակ։
1. Կոկորդիլոսի մարմինը պատրաստում ենք 2 կտորից։ Կանաչ և նարնջագույն պլաստիլիններից գազարանման դետալներ ենք պատրաստում։ Դրանք տափակեցնում ենք և իրար վրա դնելով միացնում միմյանց։
2. Գլուխը ծեփելու համար պատրաստում ենք գունդ, մի կողմից սեղմում ու ձգում ենք՝ ստանալով տանձ։ Երախի համար դանակի օգնությամբ կտրվածք ենք անում։ Մռութի վրա դանակի օգնությամբ ալիքներ ենք սարքում՝ դանակը սեղմելով փոս անելով, ապա այդ փոսերը հարթեցնելու միջոցով։ Գլուխը միացնում ենք մարմնին՝ կցման հատվածը հարթեցնելով։
3. Ծեփում ենք դուրս պրծած աչքերը։ Դրա համար կանաչ գնդեր ենք անում, համեմատաբար փոքր սպիտակ գնդեր պատրաստում և վրան դնելու համար ավելի փոքր սև գնդիկներ։ Գնդերը դնում ենք իրար վրա և զգուշությամբ սեղմում, որպեսզի պահպանվի աչքերի կլոր տեսքը։
4. Պատրաստում ենք 4 թաթերը, ամրացնում դրանք մարմնի վրա որոշակի անկյան տակ, որպեսզի կոկորդիլոսը փորի վրա պառկած մնա։
5. Վերջնական տեսքի բերելու համար պատրասենք կոկորդիլոսի մեջքի վրա ալիքաձև հատվածը։ Դրա համար երկար բարակ գլան ենք սարքում, այն կպցնում կոկորդիլոսի մեջին և մատներով սեղմելու միջոցով վրան ալիքներ սարքում։
Կոկորդիլոսը պատրաստ է։
