Խնձոր պլաստիկ շշերից

Անհրաժեշտ է՝
2 շագանակագույն կամ կանաչ պլաստիկ շիշ, մկրատ, դանակ, հյութի ձողիկ, գունավոր թուղթ և սոսինձ

1. Պատրաստեք 2 հատ 1.5-2 լիտրանոց շագանակագույն կամ կանաչ շիշ։

2. Դանակի ու մկրատի օգնությամբ կտրեք շշերի հատակները, որպեսզի ստացվեն մոտ 5-6սմ բարձրության թասիկներ։ Դրանք ապագա խնձորի կեսերն են

3. Վերցրեք թասիկներից մեկը և նրա հատակի կենտրոնում սուր դանակի կամ բիզի օգնությամբ անցք բացեք խնձորի պոչի համար։

4. Խնձորի պոչը կարելի է սարքել չուպա-չուպսի փայտիկից կամ 200մլ-ոց հյութերի ձողիկներից։ Փայտիկը կամ ձողիկը տեղավորեք բացված անցքի մեջ.

Եթե ձեռքի տակ կանաչ փայտիկ կամ ձողիկ չկա, ապա եղածի վրա պետք է պարզապես պարույրաձև կանաչ թուղթ սոսնձել.

5. Կանաչ թղթից կտրեք երկու տերև և սոսնձեք պոչին.

6. Այժմ խնձորի վերին հատվածն ամրացրեք մյուս թասիկին։ Խնձորը պատրաստ է.