Գունավոր թղթերից քվիլլինգ եղանակի համադրմամբ պատրաստենք խատուտիկ։
Անհրաժեշտ են՝ դեղին և կանաչ թուղթ, մկրատ, սոսինձ։
Վերցնում ենք դեղին թղթի մոտ 15սմ երկարությամբ և 1սմ լայնությամբ երիզ և մկրատի օգնությամբ այն ծոպքերի բաժանում՝
Նման ձևով պատրաստում ենք մեկ այլ դեղին ծոպքավոր երիզ՝ մոտ 2.5սմ երկարությամբ և 7մմ լայնությամբ թղթից։
Մկրատի և բութ մատի օգնությամբ զգուշորեն ոլորում ենք ծոպքերը։
Փոքրի կտորից ձիգ պարույր ենք փաթաթում այնպես, որպեսզի ծոպքերի կորությունը ներս ընկնի, այսինքն ստանանք կոկոն։ Այնուհետև դրա վրա սկսում ենք փաթաթել մեծ երիզը, այս անգամ ծոպքերի կորությունը դեպի դուրս անելով.
Արդյունքում ստանում ենք այսպիսի ծաղիկ՝
Մատների օգնությամբ զգուշությամբ բացում ենք «թերթիկները» և ծաղկին փռված տեսք հաղորդում.
Կանաչ թղթից կտրում ենք խատուտիկի տերևը, իսկ մեկ այլ նեղ երիզից բարակ խողովակ ենք պատրաստում, որը կլինի ծաղկի ցողունը.
Սոսնձի օգնությամբ դետալներն իրար ենք ամրացնում.
Մեկնաբանություններ 2