Պատրաստենք վարդ մեկանգամյա օգտագործման գդալներից.
Անհրաժեշտ է՝
Մեկանգամյա օգտագործման պլաստմասսե գդալներ, մոմ, ունելի կամ աքցան, մկրատ, կերամիկական սալիկ։
Ուշադրություն. պլաստիկ զանգվածը հալվելիս թունավոր գոլորշիներ է արձակում։ Անհրաժեշտ է աշխատել լավ օդափոխվող տարածության մեջ կամ բաց օդում և անպայման դիմակ կրել։
1. Գդալը մոտ 10-15 վայրկյան պահեք մոմի կրակի վրա մոտ 4-5սմ բարձրությամբ՝ գոգավոր մակերեսը դեպի դուրս։ Գդալը կրակին մի մոտեցրեք և երկար մի պահեք կրակի վրա, այլապես այն կսևանա։
2. Գդալը սկսում է հալչել։ Այդ պահին նրան կրակի վրայից հեռու տարեք և ունելիի օգնությամբ ձևավորեք վարդի կոկոնի կեսը այնպես, ինչպես ցույց է տրված նկարում.
3. Այս դետալներն իրար կցեք և գդալի պոչերը հալեցրեք անմիջապես կոկոնի տակ։ Երբ նրանք կփափկեն, առանձնացրեք գդալի տաք պոչերը և կոկոնը դրեք կերամիկական սալիկի վրա՝ սառչելու։
4. Նույն եղանակով հալեցրեք մնացած գդալները (անհրաժեշտ է մոտ 8-12 թերթիկ), սակայն այս դեպքում հալեցումը կատարվում է գդալի գոգավոր մակերեսը դեպի կրակը դիրքում։ Գդալը կհալչի և կկծկվի։ Այդ ժամանակ գդալը անհրաժեշտ է հեռացնել կրակից, զգուշորեն ձգել գդալի մի ծայրից՝ ձևավորելով թերթիկ։ Ապա անհրաժեշտ է սառեցնել այն։
5. Մկրատի օգնությամբ հեռացրեք գդալի պոչերը.5
6. Երբ պատրաստ լինեն բոլոր թերթիկները, անհրաժեշտ է դրան կցել միմյանց, որպեսզի ստանանք վարդ։
Դրա համար յուրաքանչյուր գդալ մոմի վրա տաքացվում է կտրված պոչի հատվածից, քանի դեռ այն չի սկսել հալչել.
Այնուհետև հալված հատվածով թերթիկները ամրացրեք կոկոնին։ Նման ձևով հերթով շրջանաձև ամրացրեք վարդի թերթիկները։
Սառեցրեք վարդը։
Ստացվում է սպիտակ, ճենապակու նման վարդ։ Այդպիսի վարդերից կարելի է տարբեր բաներ զարդարել։ Օրինակ կարելի է դրանից կրծքազարդ պատրաստել՝ նրա հետին մասում սոսնձելով ամրացնող ասեղ։
