Ճուտիկ թելից։ Զատիկի պատրաստվածքներ (Հմուտ ձեռքեր)

Պատրաստենք փափուկ ճուտիկ թելի փոմփոններից.

Անհրաժեշտ է՝

թել, ստվարաթուղթ, կարկին կամ շրջան գծելու հարմարանք, գունավոր թուղթ, սոսինձ։

1. Կարկինի կամ շրջան գծելու հարմարանքի օգնությամբ ստվարաթղթի վրա մոտ 10սմ տրամագծով շրջան գծենք.

2. Մկրատի օգնությամբ կտրենք այդ շրջանը և նրա կենտրոնում ևս մոտ 1սմ տրամագծով շրջան գծենք.

3. Հեռացնենք մեջտեղի շրջանը.

4. Մի քանի տակ արված թելը նկարում ցույց տրվածի նման փաթաթել ստվարաթղթին. (Մեր օրինակում թելը բարակ է, որն այնքան էլ հարմար չէ այս պատրաստվածքին։ Ցանկալի է փոքր-ինչ հաստոտ թել).

5. Մկրատով կտրենք շրջանագծի մեծ պարագծի ուղղությամբ.

6.  Առանց թելը ստվարաթղթի միջից հանելու, ստվարաթուղթը ծալենք և կենտրոնական հատվածում թելով ամուր կապենք այնպես, որ թելերը միջից «չփախչեն»։  Ապա հանում ենք ստվարաթուղթը և ստանում փոմփոն։

Նմանապես պատրաստում ենք կրկնակի փոքր մեկ այլ փոմփոն։

7.  Գունավոր թղթից կտրում ենք ճուտիկի աչուկներն ու կտուցը։ Ահա այսպիսի դետալներ ենք ստանում.

8. Սոսնձի օգնությամբ փոմփոններն իրար ենք ամրացնում, ապա գլխի վրա կպցնում ենք աչքերն ու կտուցը.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։