Միասին պատրաստենք ուղղաթիռ և ինքնաթիռ պլաստիլինից։
Անհրաժեշտ է՝ բազմագույն պլաստիլին, պլաստմասսե դանակ, ատամմաքրիչ փայտիկներ, մանր կոճակներ։
ՈւՂՂԱԹԻՌ
1. Պլաստիլինից մեծ գունդ ենք պատրաստում։ Այն կլինի մեր ուղղաթիռի իրանը։ Այնուհետև միջին չափսի կոն ենք պատրաստում, որը կլինի ուղղաթիռի պոչը.
2. Դետալներն իրար ենք միացնում, ապա ավելացնում դիմային ապակին ու անիվները։ Դիմային ապակին պատրաստում ենք փոքրիկ գլանը սեղմել-տափակեցնելով, անիվները պատրաստելու համար պատրաստում ենք 4 փոքրիկ կոներ, ապա դրանց ծայրերին ավելացնում փոքրիկ գնդեր։ Ուղղաթիռի պտտաթևերը ամրացնելու համար ատամմաքրիչ չոփիկը պարուրում ենք պլաստիլինով և այն մտցնում ուղղաթիռի իրանի մեջ.
3. Պատրաստում և ամրացնում ենք 2 պտտաթևեր՝ իրանի և պոչի համար։
ԻՆՔՆԱԹԻՌ
1. Պատրաստում ենք երկար կոն։ Կոնի լայն մասը կլորացնում ենք, իսկ սուր ծայրը թեքում դեպի վերև։ Դա կլինի մեր ինքնաթիռի իրանը.
2. Երկար գլան ենք պատրաստում, այն կիսում 2 մասի և տափակեցնում։ Կստանանք ինքնաթիռի թևերը։
3. Թևերն ամրացնում ենք իրանին, կոճակների միջոցով պատրաստում ինքնաթիռի պատուհանները, ատամմաքրիչ փայտիկը մտցնում ենք պոչի վերին հատվածի մեջ, ապա ծայրերը պատում պլաստիլինով։ Պոչը ստանում է վերջնական տեսքը։
Օդային տրանսպորտը պատրաստ է.
