Ինքնաթիռ թղթից

Թղթե ինքնաթիռներ թռցնելը երեխաների ամենասիրելի զբաղմունքներից մեկն է։ Դրանցով կարելի է երբեմն նույնիսկ մրցումներ կազմակերպել։

Այս ինքնաթիռների պատրաստումը ամենահասարակ օրիգամիներից են։ Կան թղթե ինքնաթիռներ պատրաստելու բազմաթիվ տարբերակներ։ Այսօր կծանոթանանք դրանցից մեկին.

Ինքնաթիռը պատրաստելու համար անհրաժեշտ է ցանկացած տիպի գրասենյակային բարակ թուղթ։

1. Ուղղանկյուն թուղթը ծալել 2 հավասար մասի։

2. Կրկին անգամ արդեն ծալված թուղթը ծալել 2 հավասսր մասի։

3. Վերին անկյունները ծալել դեպի կենտրոնական գիծ։

4. Բացել անկյունները և դրանք ծալել-մտցնել դեպի ներս։

5. Վերևի շերտը իրար վրա բերել, նույնը կրկնել ներքևի շերտի հետ։ Դեպի ներս մտած անկյունները կհայտնվեն դրսում։

6. Պատրաստվածքը ծալել 2 մասի։

7. Հետին գծով թևերը տարբեր կողմեր բացել։

8. Գծանշված հատվածով վերևի թևերը դեպի վեր ծալել։

Ինքնաթիռը պատրաստ է.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։