Թիթեռ քվիլլինգ մեթոդով

Քվիլլինգ մեթոդով պատրաստված թիթեռները գեղեցիկ տեսք կհաղորդեն ցանկացած կանաչ տարածքի՝ լինի դա արհեստական ծաղկեփունջ թե բնական սենյակային բույս։ Գեղեցիկ թիթեռներ պատրաստելու համար անհրաժեշտ է միայն մի քանի թղթե երիզ ու մի կաթիլ սոսինձ։ Աշխատանքը մի քիչ նուրբ է ու համբերատարություն պահանջող, բայց, փոխարենը, արդյունքը կհիացնի բոլորին.

Անհրաժեշտ է՝
Գունավոր թուղթ, էմուլսիա սոսինձ, ատամի փայտիկ և ստվարաթուղթ

1. Գունավոր թղթից կտրի բարակ համաչափ լայնությամբ երիզներ։ Դրանցից մեկը փաթաթի ատամի փայտիկի վրա.

2. Ատամի փայտիկի վրայից հանելուց հետո թող, որպեսզի ձիգ պարույրը բացվի։ Պարույրի արտաքին ծայրը սոսնձով ամրացրու պարույրին, որպեսզի ստացվի փակ օղակ.

3. Ստացված օղակին ամրացրու այլ գույնի թղթի երիզ։ Թող սոսինձը լավ չորանա։

4. Երկրորդ երիզը փաթաթի պատրաստի օղակի վրա և արտաքին ազատ ծայրը սոսնձի օգնությամբ ամրացրու։ Եթե ցանկանում ես կաթիլի ձև հաղորդել թիթեռի թևին, ապա օղի մի ծայրը սեղմի մատներով.

5. Թիթեռ պատրաստելու համար անհրաժեշտ է 4 թև, որոնցից յուրաքանչյուր 2-ը պետք է իրար նման լինեն։ Դրանք պատրաստելուց հետո թող, որ սոսինձը լավ չորանա։

6. Այժմ ստվարաթղթից կտրի թիթեռի մարմին և այն ուղղահայաց դիրքով դնելով նրա երկու կողմերից սոսնձի թիթեռի թևերը.

7. Ստվարաթղթի վրա սոսնձի սև երիզ և դրա ծայրը ոլորի։ Դա կդառնա մեր թիթեռի գլուխը.

8. Սպիտակ երիզը երկարությամբ բաժանի երկու մասի, ծայրերը ոլորի և ամրացրու սև երիզի վրա՝ գլխի հատվածում։

9. Թիթեռի մարմինը կարելի է ամրացնել բարակ մետաղալարի օգնությամբ՝ այն փաթաթելով թիթեռի մարմնի շուրջը.

Թիթեռը պատրաստ է.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։