Եղևնի թղթից

Պատրաստենք եղևնի, որը հետո կարող ենք վերափոխել տոնածառի։

Անհրաժեշտ է՝ կանաչ գույնի թուղթ, մատիտ, կարկին, քանոն, մկրատ, սոսինձ, փայտյա ձողիկներ և նրա համար հենարան (լուցկու տուփ կամ ռետին)։

1. Կարկինի օգնությամբ կանաչ թղթերի վրա աստիճանաբար նվազող տարբեր տրամագծի շրջաններ ենք գծում և դրանք կտրում.

2. Պատրաստի շրջանների վրա համաչափ հեռավորությամբ տրամագծեր ենք գծում։ Ինչքան տրամագծերը շատ լինեն, այնքան փարթամ կլինի եղևնին։

3. Կտրում կտրում ենք տրամագծերի եզրային հատվածները՝ չհասնելով շառավղի կեսին (դրա համար կարելի է մեկ այլ ուղղորդիչ փոքր շրջան գծել շառավղի կեսի չափով).

4. Այժմ սեգմենտների մի ծայրում սոսնձի բարակ շերտ քսելով, մյուս ծայրը բերում ենք դրա վրա.

5. Փայտյա ձողիկը խրում ենք լուցկու տուփի մեջ և ձողիկի վրա հագցնում պատրաստի շերտերը.

6. Ամենափոքր շրջանից հեռացնում ենք նրա 1/4-ը և սոսնձի օգնությամբ կտրվածքի 2 եզրերն իրար ամրացնում։ Ստանում ենք կոն.

7. Կոնը տեղադրում ենք եղևնու շերտերի ամենավերին հատվածում։

Եղևնին պատրաստ է.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։