Գունդ թելից

Թելով պատրաստված գունդը հաճախ օգտագործվում է որպես մասնիկ` այլ գեղեցիկ պատրաստվածքներ ստանալու համար։ 

Այդպիսի գունդ պատրաստելը բավականին հեշտ է, ժամանակատար և ծախսատար չէ։ Գունդը պատրաստելու համար անհրաժեշտ են՝ բամբակյա հաստ թել, էմուլսիա սոսինձ, փուչիկ, մեկանգամյա օգտագործման փոքրիկ բաժակ, ասեղ, մկրատ։

Փուչիկը փչում ենք ցանկալի մեծության չափով։

Ասեղը թելում ենք բամբակյա թելով, ապա, բաժակի հատակից մոտ 5մմ բարձրության վրա, թելած ասեղը ծակելով անց ենք կացնում բաժակի միջով.

Ասեղը հեռացնում ենք թելի վրայից, ապա բաժակի մեջ սոսինձ լցնում մոտ 1-1.5սմ բարձությամբ.

Այժմ, մի ձեռքով բռնելով փուչիկը, իսկ մյուսով՝ սոսնձով լի բաժակը, բաժակը փուչիկի շուրջ պտտեցնելով թելը սկսում ենք փաթաթել փուչիկի վրա։ Թելի ազատ ծայրն անցնելով սոսնձի միջով, սոսնձոտվում է։ Սոսինձը հետագայում չորանալով, ամրություն կհաղորդի գնդին։ Թելի մյուս ծայրը կծիկից չենք կտրում, քանի դեռ ամբողջովին փուչիկը չենք փաթաթել թելով.

Երբ արդեն թելը բավականաչափ փաթաթված է, այն կտրում ենք կծիկից, և ազատ ծայրը ամրացնում՝ անց կացնելով արդեն փաթաթված թելերից մեկի տակը.

Թելով փաթաթված փուչիկը 1-2 ժամ թողնում ենք, որ չորանա։ Չորանալուց հետո որևէ սուր ծայրով պայթեցնում ենք փուչիկը և նրա մնացորդները զգուշությամբ դուրս ենք բերում թելի գնդի միջից.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։