Գույնզգույն մազակալներ

Պատրաստենք գեղեցիկ ու վառ մազակալներ.

Անհրաժեշտ է՝
ստվարաթղթե գլան, պաղպաղակի փայտիկ, փաթեթավորման բարակ թուղթ, կոճակ, թելեր, ասեղ, սոսինձ, մատիտ, քանոն, ֆլոմաստեր, մկրատ, ինքնակպչուն ժապավեն

1. Ստվարաթղթե գլանակից կտրիր 4սմ լայնությամբ օղ։ Օղից կտրիր մոտ 10 սմ երկարություն ունեցող հատված, կստանաս 4×10 կոր ուղղանկյուն։

2. Ուղղանկյան երկու հանդիպակաց կողմերի վրա պաղպաղակի փայտիկի լայնության չափով ճեղքեր բացիր այնպես, որ փայտիկը հեշտությամբ մտի և դուրս գա։

3. Փաթեթավորման թղթից կտրիր ստացված ստվարաթղթե ուղղանկյունից փոքր-ինչ մեծ ուղղանկյուն։ Այն սոսնձի օգնությամբ կպցրու ստվարաթղթի դեպի դուրս ճկված կողմի վրա, իսկ հավելյալ հատվածները ծալիր դեպի ներս։

4. Նման կերպ կպցրու փաթեթավորման մի քանի շերտ ևս։ Մկրատի օգնությամբ ստվարաթղթի ճեղքերի հատվածում ևս կտրվածքներ արա։ Ամբողջ պատրաստվածքի վրա սոսինձ քսիր և թող չորանա։

5. Այլ գունավոր թղթից որևէ նախշ պատրաստիր և սոսնձիր պատրաստվածքի վրա։ Այնուհետև ողջ պատրաստվածքը մի անգամ ևս ամբողջությամբ սոսնձով պատիր և թող չորանա։