Գորտ քվիլլինգ մեթոդով

Զվարճալի փոքրիկ գորտ՝ քվիլլինգ մեթոդով.

Անհրաժեշտ է՝
10մմ լայնությամբ մուգ կանաչ թղթի երիզներ
3մմ լայնությամբ մուգ կանաչ թղթի երիզներ
3մմ լայնությամբ բաց կանաչ թղթի երիզներ
3մմ լայնությամբ սև թղթի երիզներ
հյութի ձողիկ
էմուլսիա սոսինձ
մկրատ
փայտե ձողիկ
1. Գորտի մարմինը պատրաստելու համար վերցրեք մուգ կանաչ 10մմ լայնությամբ թղթե երիզները և պատրաստեք մոտ 4.5սմ բարձրությամբ կոնական պարույր։

2. Գլխի պատրաստման համար վերցրեք 3մմ լայնության մուգ կանաչ թղթե երիզները և ձիգ պարույր պատրաստեք։ Երիզները ավելացրեք այնքան, քանի դեռ չի ստացվել 2.25սմ տրամագծով պարույր։ Վերջում ավելացրեք բաց կանաչ երիզ, որը կլինի բերանը։

3. Ձիգ պարույրը սեղմել և թասի ձև հաղորդել: Ներսի կողմից սոսինձ քսել և թողնել չորանա:

4. Անհրաժեշտ Է նման 2 դետալ: Այդ դետալներն այնպես ամրացրեք իրար, որ ստացվի բաց բերան: Դրա համար մի պարույրի արտաքին, իսկ մյուսի ներքին եզրին սոսինձ կաթեցրեք, թողեք փոքր-ինչ պնդանա այն և թասիկներն իրար սեղմեք:

5. Աչքերը պատրաստելու համար 3մմ-ոց բաց կանաչ երիզը օղակաձև փաթաթեք մատիտի վրա: Պետք է ստացվի մոտ 2սմ տրամագծով օղակ։ Պատրաստել այդպիսի 2 օղ։

6. Սկսեք պատրաստել աչքը։ Դրա համար 3 մմ լայնությամբ սպիտակ երիզից (մոտ 2 սմ երկարությամբ) պարույր փաթաթել և թողնել, որ այն բացվի։ Բացված պարույրը սեղմել մատներով այնպես, որ տափակ դառնա։

7. Սև 3մմ-ոց երիզից ձիգ պարույր փաթաթեք: Երբ երիզից մնա մոտ 8սմ, պարույրի վրա տեղադրեք փոքրիկ սպիտակ դետալը և շարունակեք փաթաթել սև երիզը: Երիզի ծայրը սոսնձով ամրացրեք պարույրին: Պատրաստեք նման մեկ աչք ևս:

8. Սև աչքերը սոսնձով ամրացրեք կանաչ օղերին, ապա դրանք կպցրեք նախօրոք պատրաստած գլխին:

9. Ոտքերն ու ձեռքերը պատրաստվում են 3մմ լայնությամբ երիզներից։ Ձեռքերը պատրաստվում են երիզի 1/4-ից, իսկ ոտքերը՝ 1/3-ից։ Այդ երիզներից պատրաստեք զսպանակներ, ապա դրանց մի ծայրին ամրացրեք 10մմ լայնությամբ երիզից նախօրոք պատրաստված գլանիկները (որոնք պատրաստվում են երիզը հյութի ձողիկի վրա փաթաթելու միջոցով)։

10. Ոտքի ու ձեռքի թաթերը պետք է պատրաստվեն 3մմ-ոց երիզներից։ Դրանցից պետք է նախևառաջ պատրաստել 12 ականջիկներ։ Յուրաքանչյուր ոտքի թաթերի համար նախատեսված երեք ականջիկներից մեկը համեմատաբար մեծ է, քան մյուս երկուսը։ Ձեռքի թաթերի ականջիկները մոտ կրկնակի անգամ փոքր են, քան ոտքի թաթերի համար նախտեսված ականջիկները։ Ականջիկները պատրաստելուց հետո դրանք ձևավորեք 15մմ տրամագիծ ունեցող գլանակի վրա, ինչպես ցույց է տրված նկարում։

11. 3 ականջիկներ իրար սոսնձեք։

12. Ամրացրեք թաթերը ձեռքերին։

13. Ձեռքերը ամրացրեք ուսերին։ Ոտքերը սոսնձով կպցրեք մարմնի ներքին մակերեսին, ինչպես ցույց է տրված նկարում։

Գորտը պատրաստ է.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։