Պատրաստենք գեղեցիկ տարածական աստղ թղթից։
Այս աստղը կդառնա ոչ միայն գեղեցիկ զարդ ամանորի տոնածառի համար, այլ նաև դրանցով կարելի է զարդարել մանկական սենյակները։
Աստղը պատրաստելու համար անհրաժեշտ է 2 հատ քառակուսի գունավոր թուղթ, մկրատ, սոսինձ։
1. Վերցնում ենք առաջին քառակուսի թուղթը, այն ծալում անկյունագծերով, ապա հորիզոնական գծերով՝ կենտրոնական հատվածից.
2. Բացում ենք ծալած թուղթը և այնպես դնում սեղանին, որ ծալքերի սուր հատվածները դեպի սեղանը նայեն.
3. Հորիզոնական ծալքերից մկրատի օգնությամբ անում ենք փոքրիկ կտրվածքներ՝ յուրաքանչյուր ծալքի կեսի չափով.
4. Երբ բոլոր կտրվածքներն արված են, սկսում ենք ծալել յուրաքանչյուր անկյունից դեպի ներս՝
5. Ծալքերն իրականացնելուց հետո եռանկյունների կեսերն իրար վրա բերելով սոսնձի օգնությամբ կպցնում ենք իրար։
6. Արդյունքում ստանում ենք ահա այսպիսի աստղ.
7. Պատրաստում ենք նմանատիպ մեկ աստղ ևս.
8. Աստղերը ներսի կողմերով սոսնձի օգնությամբ փակցնում ենք իրար.
Աստղի գագաթներից մեկից կարելի է թել կապել և այն կդառնա տոնածառի գեղեցիկ խաղալիք։
KLASS