Ծեփենք առյուծ պլաստիլինից։
Անհրաժեշտ է.
դեղին, նարնջագույն, սպիտակ, շագանակագույն և սև գույների պլաստիլին, պլաստիլինի դանակ
1. Նարնջագույն պլաստիլինից պատրաստում ենք գլան, ապա այն տափակեցնում և դանակի օգնությամբ զիգզագաձև կտրվածք անում։ Զիգզագ կտորներն իրար վրա ենք դնում և ստանում առյուծի բաշը.
2. Գլուխը պատրաստում ենք ձվաձև կամ գնդի ձևով։ Վրան ամրացնում ենք բաշը և նախօրոք սպիտակ, սև ու դեղին պլաստիլիններից պատրաստված մռութի դետալները՝ ականջներ, աչքեր, այտեր, լեզու, քիթ, բեղիկներ.
3. Մարմինը պատրաստում ենք վարունգի տեսքով, ծեփում ենք թաթերը, չենք մոռանում պոչի մասին.
4. Դիմացի թաթերը փոքր-ինչ ծալված դիրքով ենք ամրացնում, հետևի թաթերը սեղմված գնդեր են, որոնց միացված են փոքրիկ գլաններ։
Բոլոր մասերն իրար ենք միացնում և նրբորեն ծեփում, որ կարերը չերևան։
