Ապլիկացիա «Նավակ»

Գունավոր թղթերից պատրաստենք նավակ։
Անհրաժեշտ են՝ գունավոր թղթեր, սպիտակ թուղթ, սոսինձ, մկրատ, քանոն, գունավոր մատիտներ։

Գունավոր թղթերից կտրում ենք հետևյալ երկրաչափական պատկերները՝

Կապույտ թղթից ուղղանկյուն՝ ջրի համար,

Շագանակագույն թղթից շրջան, որի կեսն անհրաժեշտ է նավակի համար, և երկար, նեղ ուղղանկյուն՝ կայմի համար,

Դեղին թղթից եռանկյուն և քառակուսի՝ առագաստների համար և արև,

և Հայաստանի դրոշի համար կտրում ենք փոքրիկ ուղղանկյուններ՝ կարմիր, կապույտ և դեղին թղթերից։

Այժմ սպիտակ թղթի վրա սոսնձի օգնությամբ հերթով սկսում ենք ամրացնել պատկերները.

Շագանակագույն շրջանը բաժանում ենք 2 հավասար մասի և դրա մի մասը սոսնձում ենք սպիտակ թղթին՝ նախօրոք տակը ամրացնելով կայմը։ Այնուհետև կապույտ ուղղանկյուն թղթի մի եզրը ալիքաձև դարձնելով , ամրացնում ենք նավակի վրա.

Եռանկյուն թուղթը մի գագաթից և հանդիպակաց կողմի կենտրոնից ծալում ենք երկու մասի, քառակուսի թուղթը ևս անկյունագծով ծալում ենք երկու մասի։ Դրանցից յուրաքանչյուրի մի կողմի վրա սոսինձ եք քսում և ամրացնում կայմի վրա։ Առագաստների մյուս կողմերը ազատ «ծածանվում են»։

Թղթի մի անկյունում ամրացնում ենք արևը, իսկ կայմի ծայրին՝ սոսնձում ենք դրոշը.

Գունավոր մատիտների օգնությամբ արևին ժպիտ ենք նկարում և նավակի վրա գրում անունը։ Նավակը պատրաստ է.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։