Ապլիկացիա-բացիկներ. «Ես սիրում եմ իմ մայրիկին»

Ապլիկացիայի միջոցով պատրաստենք բացիկներ, որոնք ցանկալի նվեր կլինեն մայրիկների ու տատիկների համար՝ թե՛ կանանց տոնին, և թե՛ նրանց ծննդյան տոներին։
Անհրաժեշտ են՝ գունավոր թղթեր, մկրատ, սոսինձ, մատիտներ և տպիչ՝ շաբլոնը տպելու համար։

Ակտիվացրեք շաբլոնները, ներբեռնեք և տպեք դրանք։

Շաբլոն 1՝ «Ծիտիկ»

Շաբլոն 2՝ «Բու»

Շաբլոնից կտրատում ենք մարմնի կտորները։ Դրանք կարելի է մատիտով ներկել և հենց դրանց վրա աշխատել, կամ այդ կտորների հիման վրա գունավոր թղթից կտրատել համանման պատկերներ.

Սև մատիտով նկարում ենք աչքերը, ապա դեղին թղթից կտուցներ պատրաստում և սոսնձի օգնությամբ ամրացնում համապատասխան տեղերում։

Այժմ մեկ այլ գունավոր թղթի վրա սոսնձում ենք դետալները։ Թևերը սոսնձում ենք միայն վերևի ծայրերից։

Բացիկը կարելի է զարդարել լուսնով և աստղերով.

Համանման ձևով պատրաստում ենք նաև մյուս բացիկը, արդյունքում ստանալով սա՝

Աշխատանքը ավելի գեղեցիկ կստացվի, եթե այն իրագործվի թավշյա գունավոր թղթերով։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։