Աշնանային պատրաստվածքներ

Աշնանն առկա բնական նյութերից ստանանք գեղեցիկ պատրաստվածքներ.

1. Ոզնի սոճու կոնից և փշերից
Կոնի թերթիկների արանքում ատամմաքրիչ փայտիկի և պլաստիլինի օգնությամբ մտցնենք փշերը։ Բոլոր փշերը մտցնելուց հետո դրանք կարելի է փոքր-ինչ կտրել-կարճացնել։ Եթե երկար թողնենք, կստանանք մացառախոզ։
Ոզնու մռութը պատրաստում ենք պլաստիլինից, քիթը սև պղպեղի հատիկ է, իսկ աչքերը ստանալու համար համապատասխան տեղերը լուցկու հատիկի միջոցով սեղմենք։

2. Եղնիկ կաղնուց և փայտիկներից
Սուր բզի օգնությամբ ծակելով կաղինները փայտիկների օգնությամբ միացնում ենք իրար, պատրաստում ոտքերն ու պոզերը։

3. Բու կոնից
Այն հատվածում, որտեղ կոնն ամրանում է ծառի բնին, փոքրիկ պոչ կա, սակայն մեր դեպքում դա կծառայի որպես կտուց։
Աչքերը պատրաստում ենք կաղնի գլխարկները պլաստիլինի միջոցով ամրացնելով, իսկ թևերը թխկենու ծաղկաթերթերից.

4. Ճպուռ փայտիկի և թխկենու ծաղկաթերթերից
Վերցնում ենք ճյուղավորում ունեցող ծառի փոքրիկ ճյուղ, ճյուղերը միացման հատվածից կտրում այնպես, որ ստանանք աչքեր։ Պլաստիլինի օգնությամբ ամրացնում ենք թխկենու ծաղկաթերթերը.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։