Ամանորի բուխարի

Երեխաներն հավատում են, որ Ձմեռ Պապիկը կամ Սանտա Կլաուսը տուն է մտնում բուխարու ծխնելույզից։ Իսկ ինչպե՞ս վարվել, եթե տանը չկա բուխարի։ Եթե տանը կգտնվի մի փոքրիկ դատարկ անկյուն, ապա այն կարելի է պատրաստել սեփական ձեռքերով։
Անհրաժեշտ են՝ ստվարաթղթե արկղներ, ինքնակպչուն ժապավեն, սոսինձ, ներկեր։
Աշխատանքը իրականացնելու համար արկղներն անհրաժեշտ է դասավորել իրար վրա՝ տալով բուխարու տեսք։ Դրանք իրար են միացվում ինքնակպչուն ժապավենի կամ սոսնձի օգնությամբ։ Ապա դրանց վրա պետք է կամ սպիտակ թուղթ ամրացնել և աղյուսները ներկերով նկարել, կամ կպչուն պաստառով պատել։
Բուխարիի ներսը կարելի է զարդարել լույսերով՝ կրակի էֆեկտ ստանալու համար։
Որպես զարդ կարելի է բուխարիի վրա ամրացնել ընտանեկան լուսանկար և զարդարել եղևնու ճյուղերով ու տոնածառի խաղալիքներով։ Իսկ նվերների համար կարելի է կախել նվերների գուլպաները։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։