Տրամաբանական խաղ՝ «Գուշակիր քառանիշ թիվը»

Սիրելի դպրոցական, քեզ ենք ներկայացնում «Գուշակիր քառանիշ թիվը» տրամաբանական խաղը։ Խաղը նախատեսված է միջին և բարձր դասարանների աշակերտների համար։ 

Խաղի կանոնները.

Խաղի դասական տարբերակում խաղում են 2 հոգի։ Խաղացողներից յուրաքանչյուրը մտապահում ու որևէ տեղ գրում է քառանիշ թիվ, որի թվանշանները չպետք է կրկնվեն։ Այնուհետ, սկզբում մի խաղացողը ասում է չկրկնվող թվանշաններով որևէ քառանիշ թիվ, իսկ նրա մրցակիցը, այդ թիվը համեմատելով իր պահածի հետ, ասում է, թե քանի թվանշան է գուշակել և դրանցից քանիսն էն ճիշտ դիրքերում։

Օրինակ.

Մտապահված թիվը «3219» է։ Խաղացողը ասում է «2310» թիվը։ Մրցակիցը պետք է պատասխանի՝ 3 («2», «3» և «1» թվանշաններն առկա են պահված թվում), 1 («1» թվանշանը, որը գտնվում է ճիշտ դիրքում)։
Մրցակիցները հաջորդաբար փորձեր են կատարում գուշակելու մտապահված թիվը։ Հաղթող է ճանաչվում այն խաղացողը, ով առաջինը կգուշակի մրցակցի պահած թիվը։ Սակայն, եթե հաղթողը առաջինն է սկսել խաղը, մրցակցին վերջին հնարավորություն է տրվում գուշակելու հակառակորդի մտապահած թիվը։

Խաղի օրինակ.

1 խաղացողը մտապահել է 0657 թիվը, 2-րդ խաղացողը՝ 0621։ Առաջին քայլը անում է «Խաղացող 1»-ը։ Հաղթում է «Խաղացող 2»-ը՝ գուշակելով թիվը։ 

Խաղը համակարգչի հետ կարող եք խաղալ այստեղ։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։