Հանելուկներ

***

Բարձրում կախված,
Ընկնում եմ ցած,
Մինչև չկոտրես,
Համը չտեսնես,
Չես հասկանա դու,
Ի՜նչ համեղն եմ ես։

Spoiler

Ընկույզ

***

Կլոր եմ, գնդակ չեմ,
Կարմաթուշ եմ, դեղձ չեմ,
Քաղցր եմ, մեղր չեմ։

***

Թավշյա հագուստ ունեմ,
Կարմիր թուշիկ ունեմ
Ապրում եմ հարավում,
Քաղցրանուշ համ ունեմ։

***

Մենք հատիկով չենք աճում,
Ընտանիքով ենք լինում,
Կարմիր, սպիտակ գույն ունենք,
Անուշ, քաղցր համ ունենք։

Spoiler

Խաղող

***

Գետնից թաքուն դուրս եկավ,
Գեղեցիկ գլխարկ գտավ։

Spoiler

Սունկ

***

Ունի մեկ ոտք,
Չունի կոշիկ,
Ունի գլխարկ,
Չունի գլխիկ։

Spoiler

Սունկ

***

Թև ու ոտք նա չունի,
Կենդանի է ջրերի։

Spoiler

Ձուկ

***

Թե ընկնի, կոտրվի,
Ոչ մի դարբին չի ձուլի։

***

Թագավոր չի, թագ ունի,
Երկարաճիտ կոշիկ ունի,
Ժամացույցին չի նայի,
Երկար քնել չի թողնի։

Spoiler

Աքաղաղ

***

Կարմիր տոտիկ,
Երկար վզիկ,
Շատ է սիրում
Լողալ ջրում,
Համարյա միշտ
Չոր է մնում։

Spoiler

Սագ

***

Մորուք ունի, պապիկ չէ,
Պոզեր ունի, ցլիկ չէ,
Կաթ է տալիս կովիկ չէ։

Spoiler

Այծ

***

Հեղուկ է, ջուր չէ,
Սպիտակ է, ձյուն չէ։

Spoiler

Կաթ

***

Ունի կանաչ վերնազգեստ,
Ու ճերմակ վերնաշապիկ,
Կարմիր տաբատն, արի տես,
Ունի սև-սև պուտ-պուտիկ։

Spoiler

Ձմերուկ

***
Կենդանին այս ճերմակ, փոքրիկ,
Ամառ-ձմեռ մուշտակ հագած,
Թռչկոտում է տոտիկ-տոտիկ,
Ականջները գլխին կպած։

Spoiler

Նապաստակ

***

Պուճուր կծիկ, երկար պոչիկ,
Սիրում է նա համեղ պանիր,
Ուտում մանր հացահատիկ։

Հանելուկների հեղինակ Վերոնիկա Բուռնուչյան: Հանելուկներն ուրիշ կայքերում տեղադրելուց հղումը Փոքրիկ.am կայքին պարտադիր է։