***
Բարձրում կախված,
Ընկնում եմ ցած,
Մինչև չկոտրես,
Համը չտեսնես,
Չես հասկանա դու,
Ի՜նչ համեղն եմ ես։
Ընկույզ
***
Կլոր եմ, գնդակ չեմ,
Կարմաթուշ եմ, դեղձ չեմ,
Քաղցր եմ, մեղր չեմ։
Խնձոր
***
Թավշյա հագուստ ունեմ,
Կարմիր թուշիկ ունեմ
Ապրում եմ հարավում,
Քաղցրանուշ համ ունեմ։
Դեղձ
***
Մենք հատիկով չենք աճում,
Ընտանիքով ենք լինում,
Կարմիր, սպիտակ գույն ունենք,
Անուշ, քաղցր համ ունենք։
Խաղող
***
Գետնից թաքուն դուրս եկավ,
Գեղեցիկ գլխարկ գտավ։
Սունկ***
Ունի մեկ ոտք,
Չունի կոշիկ,
Ունի գլխարկ,
Չունի գլխիկ։
Սունկ
***
Թև ու ոտք նա չունի,
Կենդանի է ջրերի։
Ձուկ
***
Թե ընկնի, կոտրվի,
Ոչ մի դարբին չի ձուլի։
Ձու
***
Թագավոր չի, թագ ունի,
Երկարաճիտ կոշիկ ունի,
Ժամացույցին չի նայի,
Երկար քնել չի թողնի։
Աքաղաղ
***
Կարմիր տոտիկ,
Երկար վզիկ,
Շատ է սիրում
Լողալ ջրում,
Համարյա միշտ
Չոր է մնում։
Սագ
***
Մորուք ունի, պապիկ չէ,
Պոզեր ունի, ցլիկ չէ,
Կաթ է տալիս կովիկ չէ։
Այծ
***
Հեղուկ է, ջուր չէ,
Սպիտակ է, ձյուն չէ։
Կաթ
***
Ունի կանաչ վերնազգեստ,
Ու ճերմակ վերնաշապիկ,
Կարմիր տաբատն, արի տես,
Ունի սև-սև պուտ-պուտիկ։
Ձմերուկ
***
Կենդանին այս ճերմակ, փոքրիկ,
Ամառ-ձմեռ մուշտակ հագած,
Թռչկոտում է տոտիկ-տոտիկ,
Ականջները գլխին կպած։
Նապաստակ
***
Պուճուր կծիկ, երկար պոչիկ,
Սիրում է նա համեղ պանիր,
Ուտում մանր հացահատիկ։
Մուկ
Shat hetaqrqir u lav hanelukner en
SHAT NKARAZARD U HETAQRQIR HANELUKNER
Շնորհակալություն
Շատ մերսի
հետաքրքիր է շաաաաաաաաաաաաաաաաաաաաաաաաաաատ
շնորհակալություն
Կներեք բանջարեղենների ու մրգերի մասին հանելուկներ եմ ուզում