Կարգապահ խաղեր

Խաղի կանոնները
1. Պահպանեք խաղի կանոնները, մի փորձեք հաղթել ու առաջինը լինել անարդար ճանապարհով։
2. Մի ուրախացեք, երբ մյուսները պարտվում են։
3. Վիրավորական է, երբ պարտվում ես, բայց մի ընկճվիր ու մի չարացիր ոչ հաղթողի դեմ և ոչ էլ նրա դեմ, ում պատճառով միգուցե պարտվել ես։

Ի՞նչ և ինչպե՞ս խաղալ ընկերների հետ
1. Թաքստոցի
Խաղավարը, փակելով աչքեր, դանդաղ հաշվում է մինչև 10-ը։ Մյուս խաղացողները թաքնվում են մոտակայքում այնպես, որ խաղավարը կարողանա լսել նրանց ձայները։ Հենց խաղավարը բարձրաձայն հայտարարում է՝ «տասը», յուրաքանչյուր խաղացող իր թաքնված տեղից բղավում է որևէ քաղաքավարի բառ ըստ ցանկության, օրինակ՝ «ողջույն», «բարի երեկո», «ամենայն բարիք», «շնորհակալություն» և այլն։ Խաղավարը ձայնի միջոցով պետք է ճանաչի խաղացողին և գուշակի, թե որտեղ է թաքնված։ Հաջորդ խաղավարը առաջինը գուշակված խաղացողն է։

2. Աչքփակոցի
Հաշվելու միջոցով որոշվում է խաղավարը։ Նրա աչքերը կապում են։ Նա պետք է բռնի մյուս խաղացողներին, որոնք փախչում են սենյակում։ Նա, ով կբռնվի, դառնում է խաղավարի օգնականը։ Նրա աչքերը ևս կապում են ու հիմա երկուսով պետք է բռնեն մյուս խաղացողներին։ Բոլոր բռնվող խաղացողները դառնում են խաղավարի օգնականներ և նրանց աչքերը ևս կապվում են։ Նա, ով կբռնվի վերջինը, կդառնա հաջորդ խաղի խաղավարը։