Որպեսզի կոփես կամքդ ու բնավորությունդ

Ազնիվ է այն մարդը, ով իրեն չի «կեղտոտել» ձևականությամբ, վախկոտությամբ ու ստով։ Ազնիվ է նա, ով արդար է ու խիզախ, նա, ում համար թանկ է ընկերությունը, ով հարգում ու սիրում է իր մտերիմներին ու մնացած ծանոթներին, նույնիսկ՝ անծանոթ մարդկանց։
Այն մարդը, ով ձգտում է իրեն միշտ հարգալից ու ազնիվ պահել, ժամանակի ընթացքում ձեռք է բերում կամքի ուժ և ամուր բնավորություն։ Այդպիսի մարդու մասին ասում են՝ «Այս մարդը կարող է ինքն իրեն դաստիարակել»։
Սիրելի փոքրիկ, եթե դու ևս ուզում ես կոփել կամքդ ու բնավորությունդ, ահա քեզ մի քանի խորհուրդ.
– Հետևի՛ր կարգուկանոնին ու կոկիկ եղի՛ր։ Ժամանակդ մի՛ վատնիր կամակորության ու հիմար գործերի վրա։
– Առավոտյան անպայման մարմնամարզություն արա, որպեսզի ուժեղ ու ճկուն լինես։ (Միգուցե երբևիցե քեզ բախտ վիճակվի խուլիգաններից պաշտպանել աղջկա կամ թույլ փոքրիկի)։
– Բոլոր ծանոթ ու անծանոթ մարդկանց մոտ քեզ նրբանկատ պահիր։
– Տրանսպորտի մեջ միշտ զիջիր տեղդ քեզնից մեծերին, կամ նրանց, ովքեր հիվանդ կամ հոգնած տեսք ունեն։
Երբեք մի՛ խաբիր ընկերներիդ ու մեծերին։ Ստում ու ձևացնում են հիմնականում վախկոտ ու անդաստիարակ մարդիկ։ Մի՛ եղիր նրանց նման։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։