Որպեսզի միշտ շատ ընկերներ ունենաս

– Երբեք մի՛ կոպտիր ընկերներիդ։ Նրանց տգեղ բառեր մի ասա, մականուններ մի դիր։
– Մի՛ փորձիր որևէ մեկին խփելու կամ հրելու միջոցով քեզ համար լավ տեղ զբաղեցնել։
– Մի՛ մոռացիր բարևել բոլոր ընկերներիդ՝ նույնիսկ նրանց, ովքեր դեռ փոքր են։ Ընկերանալ կարելի է և պետք է նույնիսկ և՛ փոքրերի, և՛ մեծերի, և՛ տղաների, և՛ աղջիկների հետ։
– Եթե ընկերոջիցդ ինչ-ինչ պատճառով վիրավորվել ես, փորձիր շուտ մոռանալ ու ներել նրան։ Մի՛ չարացիր։
– Եթե ընկերդ քեզնից որևէ խաղալիք կամ գիրք է ուզում, մի՛ մերժիր։ Ագահություն մի՛ արա։
– Եթե դու ինքդ ես ընկերոջիցդ որևէ խաղալիք կամ գիրք վերցրել, այդ իրերի հետ կոկիկ վերաբերվիր ու մի մոռացիր այն վերադարձնել ժամանակին։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։