Գրչատուփ

Բավական է այս գեղեցիկ ժապավենով փաթաթված գրչատուփը բացեք, ձեր առջև կհայտնվեն իրար կողք կոկիկ դասավորված մատիտներն ու գրիչները։

Անհրաժեշտ է.

Մանր ալիքավոր ստվարաթուղթ (30×19սմ), մոտ 3սմ լայնությամբ գունավոր ժապավեն՝ 1.5մ երկարությամբ, գրասենյակային դանակ, մկրատ, մատիտ, քանոն, ռետին։

1. Ստվարաթղթի պատրաստումը.
Ստվարաթղթի հարթ մակերեսի վրա երկար կողմից 8 սմ հեռավորության վրա քանոնի օգնությամբ գիծ գծեք, ապա դրանից 3սմ հեռավորության վրա ևս մեկ հորիզոնական գիծ տարեք։ Այդ գծերի արանքներում գծեք անցքերի տեղերը և գրասենյակային դանակի օգնությամբ անցքերը բացեք։ Վերջում ռետինի օգնությամբ ջնջեք մատիտի հետքերը։
Անցքերի տեղերը նշելու համար ուղղանկյան լայն կողքից 2սմ հեռավորության վրա գծեք առաջին հատվածը, ապա հատվածների հեռավորությունը պետք է լինի 1, 0.5, 1, 0.5, … ։ Բերված օրինակում բացված անցքերը թույլ են տալիս տեղավորել 16 մատիտ։ Ստվարաթղթի երկրարությունը մեծացնելով կարող եք գրչատուփի տարողունակությունը ևս մեծացնել։

2. Ժապավենը.
Գրասենյակային դանակի սայրի օգնությամբ ժապավենը մտցրեք անցքերի մեջ՝ ալիքների կողմից ժապավենի արանքում մատիտներ տեղավորելով, որպեսզի նշեք մատիտի չափը։ ։ Աստիճանաբար մինչև վերջ անց կացրեք ժապավենը, մինչև հասնեք վերջին անցքին։

3. Աշխատանքի վերջը.
Երբ ժապավենը բոլոր անցքերով անցած կլինի, ստվարաթուղթը հարթ կողմով շուռ տվեք դեպի ձեզ, և ժապավենը կրկին անգամ գրասենյակային դանակի օգնությամբ մտցրեք եզրից 13.5սմ հեռավորության վրա գտնվող անցքի միջով, որպեսզի գրչատուփը կապվելու հնարավորություն ունենա։

Գրչատուփը պատրաստ է.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։