Վիկտորինա. «Որքա՞ն խելացի ես դու»

Անապատը ծայրահեղ չորային, ջերմաստիճանի կտրուկ փոփոխությամբ շրջան է, որտեղ գոլորշիացումը ջրի բաց մակերեսից 7-ից 30 անգամ գերազանցում է մթնոլորտային տեղումների քանակին։ Անապատները, բացառությամբ սառցային անապատների, առաջացել են խոնավության պակասի պատճառով։ Բնութագրվում են աննշան տեղումներով, շոգ ամառներով, գոլորշիացման արտակարգ չափերով, հողի և օդի ջերմաստիճանի օրական ու տարեկան մեծ տատանումներով, բուսածածկույթի նոսրությամբ կամ բացակայությամբ։

Մարիանյան իջվածք, Համաշխարհային օվկիանոսի ամենախոր իջվածքն է։ Գտնվում է Խաղաղ օվկիանոսի արևմտյան մասում՝ Մարիանյան կղզիներից հարավ-արևելք։ Երկարությունը 1500 կմ է։ Ունի V-աձև կտրվածք, թեք լանջեր, հարթ հատակ (1-5 կմ լայնությամբ)։ Առավելագույն խորությունը 11022 մ է։

Ամենաթեթև գազը Ջրածինն է։ Գտնվում է Մենդելեևի պարբերական համակարգի առաջին համարի տակ։ Քիմիական նշանը՝ H։
Այն տիեզերքում ամենատարածված տարրն է։ Երկրի վրա այն գտնվում է հիմնականում միացությունների ձևով։ Ջրածինը միացություններում միավալենտ է։
Ջրածնի ատոմը կազմված Է մեկ պրոտոն ունեցող միջուկից և մեկ էլեկտրոնից։ Հանդես է գալիս H2 պարզ նյութի ձևով։

Նանո-ն տասնորդական նախածանց է, որը փոքրացնում է ֆիզիկական մեծությունը 10⁹ (1 000 000 000) անգամ, կամ, որ նույնն է, բազմապատկում է 10⁻⁹ (0.000 000 001) արտադրիչով։

1 նանոմետր = 10^-9 մետր

Մեղրը երկրագնդի վրա գտնվող միակն մթերքն է, որը երբեք չի փչանում։ Ջրի քիչ պարունակության ու մեծ քանակությամբ ածխաջրերի (գլյուկոզա, ֆրուկտոզա և սախարոզա) պարունակության պատճառով այն միկրոօրգանիզմների բազմացման համար վատ միջավայր է, որն էլ հենց պատճառ է մեղրի անվերջ պահպանման։

Չարլզ Բեբիջը բրիտանացի մաթեմատիկոս, մեխանիկ-ինժեներ, փիլիսոփա է։ Մի շարք հայտնագործությունների հեղինակ է։ Առաջինն է նախագծել լիարժեք ծրագրավորվող մեխանիկական հաշվիչ՝ «Վերլուծող մեքենան», որն էլեկտրական համակարգչի նախատիպն է համարվում։ 1834 թվականից մինչև մահը աշխատել է այդ նախագծի վրա, որը, սակայն կյանքի է կոչվել 1941 թվականին։
Գերմանացի գիտնական Կոնրադ Ցուզեն մեկն էր այն գիտնականներից, ով ստեղծեց և 1941 թվականին ներկայացրեց Z4 համակարգիչը

Ամենաշատ երկրներ ունի Աֆրիկա մայրցամաքը։ Այն զբաղեցնում է 11 730 000 քառակուսի մղոն տարածք և բաղկացած է 54 անկախ պետություններից, 3 կախյալ և վիճելի տարածքներինց։

Արեգակնային համակարգը գտնվում է Ծիր Կաթին գալակտիկայում։ 1609 թ.՝ երբ Գալիլեյն աստղադիտակով դիտեց այդ գոտին, վերջնականապես պարզ դարձավ, որ այն բաղկացած է բազում հեռավոր աստղերից։ Մինչև 1920 թ․ շատ աստղագետներ կարծում էին, որ Ծիր Կաթինում է գտնվում տիեզերքի բոլոր աստղերը։
1920 թ. ամերիկացի աստղագետ Հարլոու Շեփլին, չափելով գնդաձև աստղակույտերի հեռավորությունները, եզրակացրեց, որ Ծիր Կաթինը շատ ավելի մեծ է, քան կարծում էին մինչ այդ, և Արեգակն էլ նրա կենտրոնում չէ։
Ծիր Կաթինը ունի մի քանի արբանյակ գալակտիկաներ։ Այն ձողավոր սպիրալաձև գալակտիկա է։ Տեսանելի տրամագիծը գնահատվում է 170000-200000 լուսատարի։ Ըստ գնահատակաների այն պարունակում է 100-400 մլրդ աստղ և գրեթե նույն քանակի մոլորակներ։

Առաջին համաշխարհային պատերազմը կամ Առաջին աշխարհամարտը Եվրոպայում ծագած համաշխարհային պատերազմն է, որն սկսվել է 1914 թվականի հուլիսի 28-ին և շարունակվել մինչև 1918 թվականի նոյեմբերի 11-ը։ Պատերազմը բնութագրվել է որպես պատերազմ բոլոր պատերազմներին վերջ տալու համար։

Պողպատը երկաթի համաձուլվածքն է ածխածնի հետ։ Պողպատը պարունակում է 2,14 %-ից ոչ ավել ածխածին (ածխածնի ավելի մեծ պարունակության դեպքում ստացվում է թուջ)։ Ածխածինը երկաթի համաձուլվածքներին հաղորդում է ամրություն։