Փոքրիկ գրություն ծնողներիս

Սիրելի ծնողներ ինձ համար շատ կարևոր է այն ամենն ինչ դուք ինձ տալիս ու սովորեցնում եք: Ուստի, խնդրում եմ միշտ հիշե՛ք, որ.

1. Պետք չէ ինձ երես տալ, չէ որ այդպես ինձ եք փչացնում: Ինքս էլ հիանալի գիտեմ, որ չի կարելի տալ այն ամենն ինչն ինքս ցանկանում եմ: Ես, պարզապես, փորձում եմ ձեզ:
2. Մի վախեցեք ինձ հետ կոպիտ լինելուց: Ես նման մոտեցում եմ նախընտրում: Այն օգնում է հստակեցնել և հասկանալ սեփական սահմաններս:
3. Ինձ հետ հարաբերությունների ժամանակ հույսներդ մի դրեք ֆիզիկական ուժի վրա, քանի որ այն ինձ կսովորեցնի հաշվի նստել ֆիզիկական ուժի հետ:
4. Եղեք հետևողական, քանի որ հակառակ դեպքում ես ամեն ինչ կանեմ, որպեսզի վերջին խոսքն իմը լինի:
5. Մի տվեք խոստումներ, որոնք ինքներդ չեք կարող իրականություն դարձնել: Այն կարող է նվազեցնել Ձեր նկատմամբ հարգանքս և վստահությունս:
6. Երբեք մի արեք այն ամենն ինչ ինքս էլ կարող եմ անել, թե չէ կարող է սովորություն դառնալ ամեն ինչ ձեր օգնությամբ կատարելը:
7. Այլ մարդկանց ներկայությամբ ինձ մի ուղղեք: Ես ավելի մեծ ուշադրություն կհատկացնեմ ձեր դիտողություններին, եթե Դուք ամեն ինչ ասեք շատ հանգիստ և հեռու օտար ականջներից և աչքերից:
8. Պետք չէ ինձ պաշտպանել սեփական սխալների հետևանքներից: Ես սեփական փորձի վրա եմ սովորում:
9. Չփորձեք ինձանից խուսափել, երբ ձեզ անկեղծ հարցեր եմ տալիս: Եթե դուք չպատասխանեք այդ հարցերին, ապա ես շուտով ձեզ ոչ մի բան չեմ հարցնի և ինձ անհրաժեշտ ինֆորմացիան այլոց մոտ կփնտրեմ:
10. Եվ, ի վերջո, հիշեք, որ շատ եմ սիրում ձեզ: Չմոռանաք ինձ սիրելու անհրաժեշտության մասին:

Պատրաստեց՝ Նարին Մուրադյանը
(«Այբ Բեն Գիմ» զարգացման ակումբի
Էրգոթերապիստ, հատուկ հոգեբան)

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։