Ուրախ շաշկի

Թե կարող ես, կեր հակառակորդի «քարերը», իսկ հետո նաև նրա խաղադաշտը։

Անհրաժեշտ է՝ քառակուսի հացի շերտ, 2 կտոր տարբեր գույնի պանիր, 2 կտոր սալյամի երշիկ, 2 կտոր եփած նրբերշիկ, կարագ կամ մայոնեզ։ (Երշիկեղենը կարելի է փոխարինել այլ մթերքներով, օրինակ վարունգ, լոլիկ, ձիթապտուղ և այլն)։

1. Պանիրը կտրատիր հավասար քառակուսիների և դասավորիր հացի վրա շախմատի տախտակի նմանությամբ։ Հացը նախօրոք կարելի է պատել կարագով կամ մայոնեզով։

2. Սալյամիից և նրբերշիկից մանր շրջաններ կտրատիր։

3. Ստացվում է 8 հատ խաղաքար՝ յուրաքանչյուր տեսակի խաղաքարից 4 հատ։ Դասավորիր դրանք խաղատախտակի վրա։

Բարի ախորժակ։