Մացառախոզ լոլիկից ու վարունգից

Շարունակում ենք յուրօրինակ ու համեղ ուտեստների պատրաստումը։ Այսօր պատրաստելու ենք մացառախոզ։

Անհրաժեշտ է՝
1 լոլիկ, 1 վարունգ, 1 կանաչ ձիթապտուղ առանց կորիզի, 1 սև ձիթապտուղ առանց կորիզի, 2 եգիպտացորենի հատիկ, 1 ճյուղ սամիթ, 1 ճյուղ կանաչ սոխ

1. Լոլիկից զգուշությամբ հեռացնել պոչի հատվածը, ապա մնացած հատվածը օղերով կտրատել։

2. Լոլիկի օղերը բաժանի երկու մասի։ 4 հատ այդ կիսաշրջաններից աստիճանաձև իրար վրա դիր։

3. Դա տեղադրիր լոլիկի օղակից հիմքի վրա։

4. Եվս 3 կիսաշրջան աստիճանաձև իրար վրա դիր և դա էլ դիր հիմքի վրա։

5. Վարունգը կտրատել բարակ օղերի և դրանք ևս բաժանել 2 մասի։ Դրանք կլինեն մեր մացառախոզի փշերը։

6.Փշերը տեղադրիր լոլիկի շերտերի միջև։

7. Վարունգի 2 օղ դիր ամենածայրի լոլիկի կողքերը։ Դա կլինի մացառախոզի գլուխը։

8. Կանաչ ձիթապտղի վրա ճեղք արա։

9. Վարունգի երկու օղերն իրար ամրացրու ձիթապտղի օգնությամբ։

10. Սև ձիթապտուղը բաժանի 2 մասի և յուրաքանչյուր կտորի վրա տեղադրիր եգիպտացորենի հատիկները։ Կստանաս աչքը։

11. Թթվասերի օգնությամբ ամրացրու աչք-ձիթապտուղները գլխին։

12. Մացառախոզի գլուխը զարդարի սամիթի ճյուղով, իսկ պոչի հատվածում դիր կանաչ սոխը։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։