Այս մանկական ամենօրյա սանրվածքը բավական հեշտ է, հատուկ գիտելիքներ ու պարագաներ չի պահանջում։ Անհրաժեշտ է միայն իմանալ պոչիկներ կապել։ Այս սանրվածքը ոչ միայն երեխայի մազերին կոկիկ տեսք է հաղորդում, այլ նաև տոնական ու գեղեցիկ տեսք է տալիս։ Ամեն ինչ կախված է ռեզինների տիպից։
Սանրվածքը իրականացնելու համար անհրաժեշտ են 10 բազմերանգ ռեզիններ։
Պայմանականորեն մազերն ըստ բարձրության բաժանում ենք 4 շերտի։
1. Առաջին շարքի մազերը բաժանում ենք 4 մասի և ռեզիններով պոչիկներ կապում։
2. Երկրորդ շարքի մազերը բաժանում ենք 3 մասի։
Երկրորդ շարքի առաջին պոչիկը հավաքում ենք առաջին շարքի առաջին պոչիկից ամբողջությամբ, երկրորդ պոչիկի կես մազերով և երկրորդ շարքի 1/3 մազերով։
Երկրորդ պոչիկը կապվում է առաջին շարքի երկրորդ և երրորդ պոչիկների մազերի կեսով և երկրորդ շարքի մազերի 1/3-ով (մեջտեղի հատված)։
Երկրորդ շարքի երրորդ պոչիկը հավաքվում է առաջին շարքի երրորդ պոչիկի կեսով և ամբողջ չորրորդ պոչիկով ու երկրորդ շարքի վերջին 1/3 մազափնջով։
3. Այս շարքի մազերը բաժանվում են 2 մասի։
Երրորդ շարքի առաջին պոչիկը հավաքվում է երկրորդ շարքի առաջին պոչիկով ու երկրորդ պոչիկի կեսով և այդ շարքի առաջին մազափնջով։
Երրորդ շարքի երկրորդ պոչիկը հավաքվում է երկրորդ շարքի երկրորդ պոչիկի կեսով և երրորդ պոչիկով ու երրորդ շարքի մյուս մազափնջով։
4. Բոլոր մազերը հավաքվում են մի ռեզինով՝ դառնալով մի պոչիկ։
