Յուրաքանչյուր տարի, երեխայի ծննդյան տարեդարձին նրան տվեք միևնույն հարցերը։ Գրի առեք դրանք հատուկ նոթատետրի մեջ, իսկ հետո համեմատեք նախորդ պատասախանների հետ, տեսեք, թե ինչպե՞ս է փոխվել երեխան տարվա ընթացքում։
Ահա հարցերի օրինակներ։ Կարող եք ինքներդ լրացնել հարցաշարը։
- Ո՞րն է քո սիրելի գույնը։
- Ո՞րն է քո սիրելի խաղալիքը։
- Ո՞րն է ամենասիրած մուլտֆիլմը։
- Ո՞ր միրգն ես սիրում ամենաշատը։
- Ո՞րն է քո սիրելի քաղցրավենիքը։
- Ո՞րն է քո սիրելի խաղը։
- Ո՞ր կենդանուն ես սիրում։
- Ո՞ր երգն ես սիրում։
- Ո՞րն է քո ամենասիրելի հեքիաթը կամ գիրքը։
- Ո՞րն է ամենասիրածդ տոնը։
- Ի՞նչ ես սիրում անել։
- Ի՞նչ չես սիրում։
- Ո՞վ է քո ամենալավ ընկերը։
- Երբ մեծանաս, ի՞նչ ես դառնալու։
- Ի՞նչ նվեր ես ուզում հաջորդ տարի՝ ծննդյանդ տոնին։
