Ամերիկայում այս թեյը խմում եմ անընդհատ ու ամենուր՝ առանց հաշվի առնելու տարվա եղանակն ու գտնվելու վայրը։ Այս թեյը մատուցվում է ռեստորաններում, սննդային կետերում։ Այն հագեցնում է ծարավը, ունի հաճելի համ ու պատրաստելու համար հատուկ խոհարարական գիտելիքներ անհրաժեշտ չեն։ Սովորաբար այս խմիչքը պատրաստելու համար օգտագործում են հասարակ սև թեյ։ Այս բաղադրատոմսի համար մենք առաջարկում ենք օգտագործել անանուխ և լիմոն։
Արևային թեյ պատրաստելու համար անհրաժեշտ է՝
թեյը թրմելու համար ապակյա տարա, անանուխի տերևներ, լիմոն, մեղր (ըստ ցանկության), սառույցի խորանարդիկներ (ըստ ցանկության)
Պատրաստման եղանակը.
1. Լավ լվացեք ապակյա տարան։
2. Մեջը դրեք անանուխի տերևներն ու լիմոնի կտորները։
3. Վրան ավելացրեք սենյակային կամ ավելի սառը ջերմաստիճանի ջուր։
4. Թեյը մոտ 5 ժամ թողեք արևի տակ, որպեսզի «եփվի»
5. Երբ թեյը պատրաստ կլինի, այն լցրեք բաժակների մեջ և վրան ավելացրեք մեղրն ու սառույցը՝ ըստ ցանկության։
6. Թեյը խմում են անմիջապես։ Այն պահել չի կարելի։
Բարի ախորժակ
