Աշխատանքային գոգնոց փոքրիկների համար

Մայրիկները հաճախ խուսափում են փոքրիկներին ջրաներկ և պլաստիլին վստահել՝ մտածելով, որ նրանք կկեղտոտեն իրենց հագուստը։ Այսօր միասին կպատրաստենք գոգնոց, որը ոչ միայն երեխաներին հնարավորություն կտա զբաղվել իրենց սիրելի գործով, այլ նաև կոգևորի նրանց։ 

Աշխատանքը բավականին հեշտ է և մի գոգնոց պատրաստելը տևում է մոտ 15-20 րոպե։

Աշխատանքն իրականացնելու համար անհրաժեշտ է կտոր (օրինակ՝ ֆետր կամ հին վերնաշապիկ), մկրատ, մետր։

Գոգնոցի շաբլոնը.

Ըստ շաբլոնի կտրում ենք կտորը։ Քանի որ գոգնոցը ծալելիս համաչափ է, ապա կարող ենք կտորը ծալել և կտրվածքն անել կեսի համար.

Կտրված կտորը բացելիս պետք է ստանանք այսպիսի կիսապատրաստվածք.

Նույն կտորից պատրաստում ենք 4 երիզ մոտավորապես 1-1.5սմ լայնությամբ և 30սմ երկարությամբ։

Երիզները թել ու ասեղի միջոցով ամրացնում ենք գոգնոցի վզին և գոտկատեղին.

Գոգնոցը պատրաստ է.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։