Անվտանգ ներկեր՝ մատիկներով նկարելու համար

Մատիկներով նկարելը նպաստում է երեխայի ձեռքերի մոտորիկայի զարգացմանը, ուժեղացնում է գույնի ընկալումը, երեխան նոր զգացողություններ է ապրում։
Համեմատաբար մեծ երեխաների հետ (3-4 տարեկան) կարելի է ուսումնասիրել գույների հատկությունը՝ տարբեր գույներից մեկ այլ երանգ ստանալը։ Իսկ փոքր երեխաները պարզապես ձգտում են անծանոթ իրը ուսումնասիրել, ձեռք տալ դրանց սեփական ձեռքերով, զգալ այն։ Եվ ինքնուրույն նկարչությունը նրանց անսահման հաճույք կպատճառի։
Մատիկներով նկարելու ներկերը պետք է անվնաս լինեն, քանի որ երեխան մատները կարող է տանել բերանը։ Վաճառքում առկա են այդպիսի ներկեր, որոնք ունեն դառնահամ՝ բերանը կրկնակի անգամ տանելը բացառելու համար։ Սակայն ծնողներն, ապահովության համար, հիմնականում ցանկանում են իրենց ձեռքերով պատրաստել այդ ներկերը։
Մատիկներով նկարելու ներկեր պատրաստելն իրենից բարդություն չի ներկայացնում և բավականին պարզ է։ Գոյություն ունեն ներկերի մի քանի բաղադրատոմսեր.

1. 0.5կգ ալյուր, 5ճ.գդ. աղ, 2ճ. գդ. բուսական յուղ և ջուր այնքան, մինչև թթվասերի խտության զանգված ստացվի։
Այս բոլոր նյութերը հարիչով խառնում ենք մինչև միատարր զանգված ստացվելը։ Զանգվածը լցնում փոքրիկ տարաների մեջ և դրանց վրա ավելացնում սննդային ներկանյութեր, բազուկի կամ գազարի հյութ և այլն) ու խառնում, մինչև համասեռ զանգված ստացվի։

2. 1 բ. ալյուր, մոտ 4ճ. գդ. աղ, 1/2 ճ. գդ. բուսական յուղ, 3/4 բաժակ ջուր։

Բոլոր բաղադրիչները հարիչով խառնում ենք մինչև թթվասերի խտության համասեռ զանգվածի ստացումը։ Ստացվածը լցնում ենք փոքրիկ տարաների մեջ և սննդային ներկանյութեր խառնում։

3. 1 ճ. գդ. շաքարավազ, 1/2 թ. գդ. աղ, 1/2 բաժակ եգիպտացորենի օսլա, 2 բաժակ ջուր։
Բոլոր բաղադրիչները խառնում ենք փոքր կաթսայի մեջ և տաքացնում թույլ կրակի վրա՝ մինչև խտանալը։ Այնուհետ թողնում, որ զանգվածը սառի, լցնում փոքրիկ տարաների մեջ և ավելացնում սննդային գունանյութեր։ Ներկերը պատրաստ էն։

Այս բոլոր նյութերը բնական են և սննդային, այնպես որ, եթե երեխան ներկելու ընթացքում ձեռքերը տանի բերանը, ապա դրանից ոչ մի վնաս չի լինի։
Թույլ տվեք երեխային ինքնաարտահայտվի և կեղտոտվի իր հաճույքի համար։
Հաճելի ժամանց։