Ինչպե՞ս նկարել Պատրիկին

patrikՊատրիկը «Սպունգ Բոբ» մուլտֆիլմի հերոսներից է։ Նա ապրում է Սպունգ Բոբի հարևանությամբ և նրա մտերիմներից է։ Պատրիկը բավական ծիծաղելի մարմին ունի։ Ըստ էության, Պատրիկը ծովաստղ է, այդ իսկ պատճառով նրա մարմինը հինգ վերջույթ ունի։ Պատրիկի յուրահատկությունը կայանում է նրանում, որ նա քիթ և ականջներ չունի։
1. Նկարենք Պատրիկի մարմնի հիմքը։ Սկզբում թղթի կենտրոնում մեծ օվալ նկարենք։ Քանի որ Պատրիկը ձեռքեր և ոտքեր ունեցող քայլող ծովաստղ է, ապա օվալին կավելացնենք տարբեր երկարություն ունեցող եռանկյուններ։ Օվալի վերին հատվածում նկարենք մեծ եռանկյուն։ Երկուական եռանկյուններ նկարենք օվալի կողքերից և ներքևի մասում։
1
2. Ռետինով մաքրենք բոլոր հատվող գծերը։ Վերևի եռանկյան վերին գագաթի վրա նկարենք կախվող գլխարկ։ Կլորացնենք նաև մնացած եռանկյունների սուր անկյունները։
2
3. Պատրիկի ոտքերի վրա նկարենք կիսատաբատը, որից անմիջապես վերև մի գիծ ևս տանենք։ Երկու կիսաշրջան գծերով նկարենք պորտը։ Այնուհետ դեմքը նկարելու համար կատարենք նկարում ցույց տրված նշումները։ Ներքևի հատվածում բերանի նշումներն են, այնուհետ աչքերի և ունքերի գծանշումներն են։
3
4. Պատրիկի դեմքը ճիշտ պատկերելու համար անհրաժեշտ է նրան ուրախ արտահայտություն հաղորդել։ Նախ մի քանի փոքր գծիկներ անենք ունքերի տեղը։ Նկարենք երկու օվալներ աչքերի գծանշման հատվածում, ապա նկարենք աչքերի բիբերը։ Ապա նկարենք բերանը, որի վրա նկարենք լեզուն։ Տաբատը կարելի է նախշերով զարդարել։
4
5. Պատրիկը պատրաստ է։ Մնում է այն գունազարդել վառ ու գեղեցիկ գույներով։

patrik

Կիսվել Share on Facebook0Share on Google+0Tweet about this on TwitterShare on VKEmail this to someone
| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.