Շոգեքարշ պլաստիկ տարաներից


1

Սննդային պլաստիկ տարաները օգտագործելուց հետո հաճախ նետում ենք աղբը։ Սակայն դրանցով կարելի է ահա այսպիսի գեղեցիկ  շոգեքարշ պատրաստել։

Անհրաժեշտ է՝
3 պլաստիկ տարա, մեկուսիչ երիզ (Изолент), սկոտչ, փայտյա ձողիկներ, սիլիկոնե սոսինձ-ատրճանակ կամ «Момент» սոսինձ, շշի կափարիչներ 9 հատ (շոգեքարշի անիվների և ծխնելույզի համար), բիզ, գունավոր թուղթ, 2 կոճակ՝ շոգեքարշի «գլուխը» ձևավորելու համար։

Շոգեքարշը բաղկացած է լինելու 2 մասից՝ հիմքից և խցիկից։ Հիմքի համար կարող է ծառայել մեկ ամբողջ տարա, իսկ խցիկի համար՝ տարայի միայն մեկ հատվածը՝ օրինակ կափարիչը (որն էլ իր հերթին պետք է բաժանել երկու մասի)։ Վագոնի համար կօգտագործենք կտրված տարայի մյուս հատվածը։

1. Խցիկի համար նախատեսված տարայի կափարիչը բաժանում ենք երկու հավասար մասերի, և իրար վրա դնելով մեկուսիչ երիզով կամ սկոտչով կպցնում իրար ու ամրացնում հիմքին։ Խցիկի վրա ամրացնում ենք գունավոր թղթից պատրաստած ժպիտը և կոճակ-աչքերը։ Խցիկի ներսը կարելի է պատել ալբոմի սպիտակ թղթով, որպեսզի դեմքը լավ երևա։
2. Շոգեքարշի հիմքի վրա բզի (կամ տաքացված ասեղի) օգնությամբ ծակեր ենք անում անվահեծերի համար։
3. Շշերի կափարիչների վրա, որոնք ծառայելու են որպես անիվներ, ևս անցքեր ենք բացում։
4. Փայտե ձողիկները դնում ենք հիմքի վրա բացված անցքերի մեջ, ձողիկների վրա հագցնում ծակված կափարիչները։ Ամրացնում ենք սոսնձով։
5. Հիմքի դիմացի հատվածում սոսնձում ենք շշի կափարիչ։ Դա կլինի շոգեքարշի ծխնելույզը։
6. Հիմքի մի քանի տեղում փաթաթում ենք մեկուսիչ երիզը։ Այն ոչ միայն ամրություն կհաղորդի, այլև կզարդարի շոգեքարշը։
7. Սոսնձում ենք խցիկը հիմքին։
8. Վագոնի պատրաստման համար կրկնում ենք անիվների հետ կապված բոլոր գործողությունները, ինչպես հիմքի դեպքում։

9. Վագոնը շոգեքարշին միացնում ենք մետաղալարի միջոցով։

Շոգեքարշը պատրաստ է։

1

 

Կիսվել Share on Facebook0Share on Google+0Tweet about this on TwitterShare on VKEmail this to someone

| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.