Մոդուլային օրիգամի «Նապաստակ»

0Նապաստակ պատրաստելու համար նպատակահարմար է օգտագործել գրասենյակային սպիտակ թղթից պատրաստված մոդուլներ (նապաստական ամբողջությամբ սպիտակ կլինի) կամ 402 սպիտակ մոդուլներ գլխի և ոտքերի համար ու 120 գունավոր մոդուլներ՝ հագուստի համար։ Նապաստակի հագուստը կարելի է անել միագույն կամ զոլավոր։ Մեր նապաստակի հագուստի համար օգտագործվել է 48 երկնագույն, 48 դեղին և 24 կապույտ մոդուլներ (հագուստը 5 շարք է՝ յուրաքանչյուր շարքում 24 մոդուլ)։
1. Առաջին երկու շարքի համար պատրաստեք 48 սպիտակ մոդուլ։ Վերցրեք 3 մոդուլը և դրեք իրա մոտ, ինչպես պատկերված է նկարում։ Ձախակողմյան երկու մոդուլները կլինեն առաջին շարքի բաղադրիչներ, իսկ աջակողմյան մոդուլը՝ երկորդ շարքի։ Երկու մոդուլների թևիկները տեղադրեք երրորդ մոդուլի գրպանիկների մեջ։

1
2. Այդ եղանակով պատրաստվածքին ավելացրեք ևս երկու մոդուլ և այդպես շարունակ։ Աստիճանաբար շղթան փակվելու է և դառնա օղ։ Յուրաքանչյուր շարքում լինելու է 24 մոդուլ։

2
3. Երրորդ շարքը հավաքելու համար մոդուլները հագցվում են շախմատաձև՝ այսինքն հարևան մոդուլների թևիկները մեկ մոդուլի գրպանիկներում սկզբունքով։ Երրորդ շարքը կարելի է սկսել նույնիսկ այն ժամանակ, երբ հավաքեք առաջին երկու շարքի 8-10 մոդուլները։

3
4. Ցուցամատ և բուտ մատներով զգուշորեն սեղմելով օղակը «դարձրեք» թասիկ։ Վերցրեք 24 երկնագույն մոդուլներ և սկսեք հագուստը «հավաքել»։ Այս մոդուլները ամբողջությամբ չեն հագնում նախորդ շարքի մոդուլներին և տպավորություն ստեղծում, որ հագուստը նապաստակի մարմնին կպած չէ։

4
5. Հավասարեցրեք չորրորդ շարքի մոդուլները և նմանաձև հավաքեք հագուստի ևս 4 շարք՝ գունավոր մոդուլներից։

5
6. Գլուխը պատրաստելու համար վերցրեք 24 սպիտակ մոդուլ և հավաքեք 9-րդ շարքը՝ մոդուլները կարճ կողմերով դեպի ներս անելով, իսկ երկար կողմերով՝ դեպի դուրս։

6
7. Հաջորդ շարքի մոդուլների թիվը պետք է ավելանա 6-ով։ Դրա համար յուրաքանչյուր չորրորդ մոդուլի հագցրեք ոչ թե մեկ, այլ երկուական մոդուլներ՝ տեղադրելով երկար կողմերով դեպի դուրս։

7
(Ուշադրություն. գլխի առաջին երկու շարքերը բավական անկայուն են։ Հաջորդ շարքերը կամրացնեն գլուխը, սակայն մինչ այդ առաջին երկու շարքերը պատրաստելիս պետք է լինել ուշադիր ու զգույշ)
8. Այժմ յուրաքանչյուր շարքում կլինի 30-ական մոդուլ։ Շարունակեք հերթականությամբ հավաքել շարքերը։ Գլուխը բաղկացած է 8 շարքից (մի շարքը բաղկացած է 24 մոդուլներից, իսկ մնացած 7 շարքերը՝ 30 մոդուլներից։

8
9. Երբ արդեն շարքերի անհրաժեշտ քանակը հավաքված կլինի, գլխին կլորավուն տեսք հաղորդեք։

9
10. Այժմ ականջների հերթն է։ Վերցրեք 6 մոդուլ և հագցրեք նապաստակի գլխին՝ կարճ կողմերով դեպի դուրս։ Երկորդ շարքը հավաքեք 5 մոդուլից, իսկ երրորդը՝ էլի 6։

10
11. Այդ սկզբունքվ հավաքեք ևս 4 շարք՝ հերթափոխելով 5 և 6 մոդուլներից կազմված շարքերը։ 8-րդ շարքում պետք է խտացում արվի։ Դրա համար կողային երկու մոդուլները հագցրեք միանգամից նախորդ շարքի 3 ծայրային անկյունների վրա։ 8-րդ շարքում պիտի լինի 5 մոդուլ։ 9-րդ շարքում ավելացվում է միայն 4 մոդուլ, ընդ որում մեջտեղի երկու մոդուլներն ավելի բարձր պետք է տեղադրել (չսեղմել), քան կողայինները։ Նապաստակի ականջը կլորավուն տեսք կստանա։

11
12. Նապաստակի գլխի վրա բաց թողեք 4 ազատ անկյուն և կրկնեք 10, 11 կետերը՝ ստանալով մյուս ականջը։

12
13. Մնացած դետալները (աչքերը, մռութը, ձեռքերն ու օձիքը) նկարվում են գունավոր թղթերի վրա, կտրվում և սոսնձվում պատրաստվածքին։ Ձեռքերը կտրվում են պինդ թղթից՝ 2×3 սմ ուղղանկյունների տեսքով։ Դրանց մի ծայրը մկրատով կլորավուն կտրեք, իսկ մյուս ծայրին կպցրեք նապաստակի հագուստին համապատասխան գույն։ Ձեռքերը կարելի է պարզապես տեղադրել մոդուլների մեջ, կամ էլ սոսնձել։ 4×8 սմ սպիտակ թղթից ծոփքավոր երիզ պատրաստեք, ծոփքերը ոլորեք և նապաստակի համար դրանցով մազեր սարքեք։ Մազերը տեղադրեք գլխի մոդուլների արանքը։ Նապաստակի ձեռքին կարելի է հավելյալ տերևների կամ ծաղիկների փունջ ամրացնել։
0

Կիսվել Share on Facebook0Share on Google+0Tweet about this on TwitterShare on VKEmail this to someone
| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.