Կիրիգամիով պատրաստված ամենահասարակ տարածական բացիկները


Այս դասի նպատակն է հասարակ օրինակների վրա ցույց տալ կիրիգամիով պատրաստված տարածական բացիկների կտրատման հիմնական նրբությունները։

Տոնածառով բացիկ

1. Վերցնենք ալբոմի թուղթ և բաժանեք այն երկու մասի։ Մենք աշխատելոու ենք ալբոմի թղթի կեսով (A5 ձևաչափ)։
2. Ծալենք թուղթը հավասար մասերի։ Ծալքի հատվածում (դրսի կողմից) նկարենք տոնածառ (ավելի ճիշտ տոնածառի կեսը), ինչպես պատկերված է նկարում։
13. Վերցնենք մկրատը և կտրենք տոնածառը, բայց պետք է չկտրել այն հատվածը, որը նկարի մեջ վերցված է կարմիր շրջանակի մեջ (սա շատ կարևոր է)։ Այդպիսով, տոնածառն ամբողջությամբ չի առանձնանա բացիկից։
2
4. Բացեք բացիկը և ուղղեք այն։ Պատրաստի բացիկը պետք է կիսով չափ բացվի։ Տոնածառը դեպի դուրս հանեք։ Տարածական բացիկը պատրաստ է։
3
5. Այժմ կարելի է բացիկը զարդարել ըստ ճաշակի։ Օրինակ կարելի է բացիկի երեսին կանաչ թուղթ փակցնել (տոնածառը այդ փակցվող թղթին պետք չէ սոսնձել, այն պետք է դեպի նայողը դուրս մղված լինի)։
4
Կարելի է նաև տոնածառը ներկել ֆլոմաստերով կամ ներկերով ու զարդարել այն թղթերից կտրատված զարդերով՝ խաղալիքներով, աստղիկներով, ժապավեններով և այլն։
5

Սրտիկով բացիկ

1. Վերցնենք ալբոմի թղթի երկրորդ կտորը, ծալենք այն և վրան նկարենք սրտիկի կես, ինչպես տոնածառով բացիկի դեպքում։
6
2. Կտրենք սրտիկը, բայց ոչ ամբողջովին։ Նկարում նշված հատվածը պետք է չկտրվի։
3. Բացված բացիկն այս տեսքը պետք է ունենա։
7
4. Սրտիկը կարելի է ներկել կարմիր գույնով.
8
5. Բացիկը կարելի է զարդարել, վրան էլի մի քանի փոքր սրտիկներ նկարելով։ Այդ սրտիկները կտրատվում են պատկերի կեսը կտրելու սկզբունքով՝ նկարվում է սրտիկը, կտրվում նրա կեսը և կտրված կեսը դուրս մղվում։ Այս մեթոդը բացիկն ավելի տարածական տեսք կտա։

Այդպիսի նուրբ կտրվածքները մկրատով գրեթե անհնար է անել։ Դրանց համար օգտագործվոում է գրասենյակային դանակը.
9
Պարզապես պետք է հիշել, որ նման դանակով սեղանի մակերեսի վրա կտրվածքներ անել չի կարելի։ Այն կփչացնի սեղանի մակերեսը։ Բացիկի տակ կարելի է դնել օրինակ տախտակ։
Արդյունքը մոտավորապես այսպիսին պետք է լինի.
10

Նման մեթոդով կարելի է պատրաստել բացիկներ ծաղիկներով, ծառով, մարդուկով, ձնեմարդով և այլն։

Կիսվել Share on Facebook5Share on Google+0Tweet about this on TwitterShare on VKEmail this to someone

— Վերոնիկա
| 

1 մեկնաբանություն

Մեկնաբանել
  1. shat hetaqrqir erhttp://poqrik.am/wp-content/plugins/wp-monalisa/icons/wpml_heart.gif
    21/11/2015 Reply

Մեկնաբանել

Գրեք պակասող թիվը Time limit is exhausted. Please reload CAPTCHA.