Երեխաների համար, երեխաների մասին

Փափուկ խաղալիք «Ձնեմարդ»

tumbՊատրաստենք փոքրիկ ձնեմարդ կտորից։
Ձնեմարդը կարող է ծառայել որպես տոնածառի խաղալիք։ Կարելի է պատրաստել նաև մեծ ձնեմարդ, որն արդեն կօգտագործվի որպես առանձին խաղալիք։

Անհրաժեշտ են՝ սպիտակ ձգվող գործվածք ձնեմարդու մարմնի համար, թաղիք աչքերի, գլխարկի և կոճակների համար, ժապավեն օձիքի համար, շշի կափարիչ՝ գլխարկի համար, սինտեպոն կամ բամբակ և թել ու ասեղ, սոսինձ։

Կարկինի օգնությամբ ստվարաթղթի վրա գծում ենք միևնույն շառավիղն ունեցող և իրար հատող շրջանագծեր։ Շրջանագծերից յուրաքանչյուրի կենտրոնը պիտի գտնվի մյուս շրջանագծի պարագծի վրա։
Մեզ անհրաժեշտ է շրջանագծերի հատման արդյունքում առաջացած հատվածը։

0

Ստացված հատվածը որպես շաբլոն օգտագործելով կտրում ենք 4 միանման կտորներ։

1

Այդ կտորները կարում ենք իրար՝ վերջին հատվածը բաց թողնելով։ Դետալը շուռ ենք տալիս և լցնում այն սինտեպոնե կամ բամբակե միջուկով։

2

Կարում ենք անցքը։

3

Պատրաստում ենք 2 այդպիսի գունդ՝ մեկը մյուսից փոքր։ Դրանք կարելով ամրացնում ենք իրար վրա։

4
Կտրում ենք աչքերն ու կոճակները և դրանք սոսնձում ձնեմարդու վրա։ Կարում ենք գլխարկը։

5
Ամրացնում ենք գլխարկը ձնեմարդու գլխին, վզին կապում ենք վզնոցը։

6

7

 

 

Մեկ մեկնաբանություն Փափուկ խաղալիք «Ձնեմարդ»-ում

Leave a Reply

Your email address will not be published. Required fields are marked *

Փոքրիկը սոց. ցանցերում
facebook youtube telegram