Ձմեռ պապիկ պլաստիլինից

0_wmՍովորենք ծեփել Նոր Տարվա ամենասպասված հյուրին՝ Ձմեռ պապիկին։

Անհրաժեշտ է կարմիր, սպիտակ, վարդագույն, կապույտ պլաստիլին, ատամմաքրիչ փայտիկներ։

Աշխատանքի նկարագրությունը.

1. Գլուխն ու մորուքը
– Պատրաստենք վարդագույն գունդ, համեմատաբար մուգ վարդագույն փոքրիկ գունդ քթի համար, և սպիտակ փոքր գունդ մոտավորապես ոլոռի մեծության։
– Վարդագույն գունդը դարձնենք ձվաձև։ Սպիտակ գնդից երկար, սուր ծայրերով գլանակ սարքենք։ Քիթն ամրացնենք ճիշտ տեղում։
– Սպիտակ գլանակին պայտի ձև հաղորդենք։
– Գլանակը տափակեցնենք և ամրացնենք գլխին՝ մորուքի նման։

1_wm

2. Մազերն ու բեղերը
– Ոլոռի մեծությամբ 2 սպիտակ գունդ պատաստենք և սարքենք ևս 2 սպիտակ գունդ, բայց համեմատաբար փոքր ։
– Մեծ գնդերից փոքր գլանակներ պատրաստենք և տափակեցնենք, իսկ փոքրիկ գնդերից՝ փոքրիկ սուր ծայրերով կոներ։
– Մեծ տափակացրած գլանակները ամրացնենք մազերի տեղը, իսկ փոքրիկ կոների ծայրերը վեր բարձրացնենք և ամրացնենք քթի տակ։ Կստանանք բեղերը։

2_wm

3. Աչքերը
– Պատրաստենք 4 սպիտակ փոքրիկ գնդեր և 2 փոքր սև գունդ՝ բբերի համար։
– Երկու սպիտակ գնդերից փոքրիկ գլանակներ պատրաստենք ունքերի համար, իսկ մյուս երկու սպիտակ գնդերի կենտրոնում ամրացնենք սև բբերը, կստանանք աչքեր։
– Աչքերն ու ունքերը ամրացնենք գլխի վրա, իսկ գլխի կատարին խրենք ատամմաքրիչ փայտիկի մի կեսը։

3_wm

4. Գլխարկը
– Գլխից մի քիչ փոքր կարմիր գունդ պատրաստենք և դրանից համեմատաբար փոքր սպիտակ գունդ։
– Կարմիր գունդը սեղմենք աշխատանքային մակերեսին այնպես, որպեսզի տակը հարթ դառնա։ Սպիտակ գնդից երկար գլանակ պատրաստենք։
– Գլխարկը ամրացնենք դուրս մնացած ատամմաքրիչ փայտիկի վրա։ Սպիտակ գլանը  տափակեցնեք։
– Սպիտակ տափակեցրած գլանը փաթաթենք գլխարկի և գլխի միացման հատվածում։

4_wm

5. Կոշիկները
– 2 կապույտ գնդեր պատրաստենք մոտավորապես ոլոռի մեծության։
– Դրանցից հաստ գլաններ պատրաստենք։
– Թեթևակի սեղմելով մի փոքր տափակեցնեք գլանները և ստանանք կոշիկներ։

5_wm

6. Կարմիր մուշտակը
– Մեծ կարմիր գունդ պատրաստենք և 2 ոլոռի մեծության սպիտակ գնդեր։
– Կարմիր գնդից պատրաստենք կոն (մուշտակը), իսկ սպիտակ գնդերից պատրաստենք 2 բարակ ու երկար գլաններ (մուշտակի սպիտակ մորթե երիզները)։
– Բարակ երիզները ամրացնենք մուշտակի վրա, իսկ մուշտակի տակից ամրացնենք կոշիկները։

6_wm

7. Թևերն ու ձեռնոցները
– Պատրաստենք 2 կարմիր, 2 փոքր սպիտակ և դրանցից համեմատաբար մեծ 2 կապույգ գնդեր։
– Կարմիր գնդերին կոնաձև տեսք հաղորդենք, սպիտակ գնդերը տափակեցնենք, իսկ կապույտ գնդերից պատրաստենք կոնաձև դետալ՝ մի ծայրը սուր։
– Սպիտակ տափակեցրած գնդերը ամրացնենք կարմիր թևքերի լայն հատվածին, իսկ կապույտ կոների տափակեցնենք։
– Կապույտ կոնի ծայրերը թեքենք դեպի կոնի լայն մասը, կստանանք ձեռնոց։
– Թևքերն ամրացնենք մուշտակին։ Կապույտ ձեռնոցները ամրացնենք թևերին, իսկ մուշտակի վերին հատվածում 2 ատամմաքրիչ փայտիկներ մտցնենք։
– Ձմեռ պապիկի գլուխը ամրացնենք ատամմաքրիչ փայտիկների վրա։

7_wm

 

Ձմեռ պապիկը պատրաստ է.

0_wm

 

Կիսվել Share on Facebook0Share on Google+0Tweet about this on TwitterShare on VKEmail this to someone
| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.