Ծաղկեփունջ պլաստիլինից


punjՊլաստիլինից ծեփենք գեղեցիկ ծաղկեփունջ։

Անհրաժեշտ են՝ սև, կանաչ, սպիտակ, դեղին, վարդագույն և կարմիր գույնի պլաստիլիններ, մետաղալարի կտոր։

Կակաչ

1. Կարմիր պլաստիլինից պատրաստում ենք կակաչի եռանկյունաձև թերթիկները։ Եռանկյան մի կողմը մատներով սեղմում ենք՝ այն դարձնելով ավելի բարակ ու կլոր անկյուններով։ Ընդ որում, այդ գործողությունների արդյունքում այդ կողմը ալիքաձև կդառնա։

1

2. Ալիքաձև կողմի դիմացի անկյունը փոքր-ինչ դեպի ներս ծալեոք։ Պատրաստեք նմանատիպ 6 թերթիկներ՝ 3-ը փոքր և 3-ը մի քիչ մեծ։

2

3. Սև պլաստիլինից փոքրիկ գլան պատրաստեք։ Նրա վրա դանակի օգնությամբ շառավիղներ գծեք։

3

4. Կակաչի սև միջուկի վրա ամրացրեք նախ 3 փոքր, ապա 3 մի քիչ մեծ ծաղկաթերթիկները։

4

5. Կենտրոնական 3 թերթիկները դեպի կենտրոն կորացրեք այնպես, որ ծաղկաթերթիկները ալիքաձև լինեն։

5

6. Կանաչ պլաստիլինի կտորից ուղղանկյունաձև տափակ դետալ սարքեք և կակաչի թերթիկների միացման հատվածը դրանով փաթաթեք այնպես, որ կոնի տեսք ստանա։

6

7. Կանաչ պլաստիլինից պատրաստեք բարակ երկար գլան։ Վերցրեք մետաղալարի մի կտորը և այն զգուշորեն մտցրեք այդ գլանի մեջ այնպես, որ մետաղալարի մի փոքրիկ հատված դուրս մնա պլաստիլինից։

7

8. Ազատ մետաղալարի ծայրին հագցրեք ծաղիկը և միացման հատվածը մատներով հարթեցրեք։

8

Վարդ

9. Վարդագույն պլաստիլինլից փոքրիկ ձվաձև պատրաստեք, ապա այն փաթաթեք իրար վրա՝ առանց ծայրերը սեղմելու։ Դա վարդի հիմքն է։

9

10. Վարդագույն պլաստիլինից պատրաստեք 6-7 հատ հաջորդաբար մեծացող ձվաձևներ։ Դրանցով փաթաթեք վարդի հիմքն այնպես, որպեսի յուրաքանչյուր հաջորդ թերթիկը մի փոքր ծածկի նախորդ թերթիկին։ Ամուր մի սեղմեք, եզրերը ազատ թողեք։ Ծաղկի հիմքին կոնի ձև հաղորդեք և կակաչի նման վարդի վրա էլ պատրաստեք կանաչ հիմք ու մետաղալարով կանաչ ցողուն։

10

Երիցուկ

11. Սպիտակ պլաստիլինից պատրաստեք միևնույն չափի 6 ձգված ձվաձևներ՝ երիցուկի թերթիկները։

11

12. Կենտրոնական հատվածում թերթիկներն իրար միացրեք։

12

13. Դեղին պլաստիլինից փոքրիկ գունդ պատրաստեք, թեթև սեղմելով փոքր-ինչ տափակեցրեք այն ու ամրացրեք երիցուկի կենտրոնում։

13

14. Կանաչ պլաստիլինից պատրաստեք կոն։ Կոնի հիմքի մոտ մատներով սեղմելով «շրջազգեստ» ստացեք ու այն ամրացրեք երիցուկի հակառակ կողմին։ Ինչպես վարդի ու կակաչի դեպքում, այստեղ ևս մետաղալարի ու կանաչ պլաստիլինի օգնությամբ պատրաստեք ցողունները։

14

15. Կանաչ պլաստիլինից պատրաստեք տերևները՝ մի քանի երկար երիզներ, որոնք մի ծայրից սրվում են։ Փունջը պատրաստելու համար ծաղիկները դրեք կենտրոնում, իսկ շուրջը՝ տերևները։

15

Ծաղկեփունջը պատրաստ է։ Ցանկության դեպքում կարելի է պատրաստել բազմագույն ծաղիկներ և ստանալ ավելի մեծ փունջ։

punj

Կիսվել Share on Facebook8Share on Google+0Tweet about this on TwitterShare on VKEmail this to someone

| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.