Լուսանկարի շրջանակ քվիլլինգ մեթոդով

13Այսօր սովորելու ենք պատրաստել նուրբ ու գեղեցիկ շրջանակակ լուսանկարի համար։ Կիրառելու ենք քվիլլինգ տեխնիկան։
Շրջանակը պատրաստելու համար անհրաժեշտ է.
ստվարաթուղթ, գունավոր թղթե երիզներ (3մմ լայնությամբ), երկկողմանի ինքնակպչուն ժապավեն, մկրատ, սոսինձ, սոսնձի վրձին։

Առաջին հերթին ընտրենք լուսանկարը, որի համար պատրաստելու ենք շրջանակը։ Ըստ այդ լուսանկարի չափսերի վերցնում ենք ստվարաթուղթը (պետք է հաշվի առնել, որ ստվարաթուղթը աշխատանքի ընթացքում ծալվելու է 2 մասի, այսինքն պետք է լուսանկարից կրկնակի մեծ չափսի ստվարաթուղթ)։
Կարելի է պարզապես ուղղանկյուն բացիկի տեսք հաղորդել շրջանակին ու դրա մի երեսին ամրացնել քվիլլինգ մեթոդով պատրաստված դետալներ, բայց մենք այս անգամ կպատրաստենք սրտաձև շրջանակ։

Եվ այսպես.
Ստվարաթուղթը մեջտեղից ծալում ենք երկու հավասար մասերի և կտրում սրտիկ։ Ստանում ենք մեր շրջանակի հիմքը.

1_wm  2_wm

3_wm

4_wm

Այժմ գունավոր երիզներից սկսում ենք քվիլլինգի դետալներ պատրաստել։ Ինչպես պատմվել է նախորդ հոդվածներում, դետալները կարելի է պատրաստել ինչպես հատուկ գործիքների օգնությամբ, այնպես էլ պարզապես մատներով փաթաթելու եղանակով։ Եթե մատներով դժվարանում եք, կարող եք վերցնել հասարակ ատամմաքրիչ փայտիկ և այն զգուշությամբ մեջտեղից ճեղքել։ Ճեղքի մեջ անց է կացվում երիզի մի ծայրը և փայտիկը պտտելու օգնությամբ փաթաթվում է դետալը.

5_wm
Պատրաստում ենք ձիգ պարույր, ապա թողնում, որ այն բացվի։ Սոսնձում ենք բացված պարույրի եզրը և մի կողմից այն սեղմելով, ստանում ենք «կաթիլ» դետալը.

6_wm

7_wm
Պատրաստում ենք 15-20 հատ նմանատիպ մասնիկ և այն սոսնձում մեր սրտիկի մի կողմի վրա.

8_wm

9_wm
Վերցնում ենք այլ գույնի թղթեր և դրանք եզրերից տարբեր ուղղություններով փաթաթելով ու բաց թողնելով ստանում ենք ոչ ֆիքսված թույլ դետալներ։ Դրանք ամրացնում ենք սրտիկ-շրջանակի մյուս կողմի վրա։

10_wm

Ահա այսպիսի տեսքի շրջանակ ենք ստանում։ Մնում է ամրացնել նկարը։

11_wm

12_wm
Լուսանկարն ամրացնելու երկկողմանի ինքնակպչուն ժապավենի կտորներ ենք ամրացնում շրջանակի վրա։ Իսկ արդեն այդ ժապավենի կտորների վրա ամրացնում ենք լուսանկարը։

13_wm

 

Կիսվել Share on Facebook0Share on Google+0Tweet about this on TwitterShare on VKEmail this to someone
| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.