Թիթեռ քվիլլինգ մեթոդով

0Քվիլլինգ մեթոդով պատրաստված թիթեռները գեղեցիկ տեսք կհաղորդեն ցանկացած կանաչ տարածքի՝ լինի դա արհեստական ծաղկեփունջ թե բնական սենյակային բույս։ Գեղեցիկ թիթեռներ պատրաստելու համար անհրաժեշտ է միայն մի քանի թղթե երիզ ու մի կաթիլ սոսինձ։ Աշխատանքը մի քիչ նուրբ է ու համբերատարություն պահանջող, բայց, փոխարենը, արդյունքը կհիացնի բոլորին.

Անհրաժեշտ է՝
Գունավոր թուղթ, էմուլսիա սոսինձ, ատամի փայտիկ և ստվարաթուղթ

1. Գունավոր թղթից կտրի բարակ համաչափ լայնությամբ երիզներ։ Դրանցից մեկը փաթաթի ատամի փայտիկի վրա.

1_wm
2. Ատամի փայտիկի վրայից հանելուց հետո թող, որպեսզի ձիգ պարույրը բացվի։ Պարույրի արտաքին ծայրը սոսնձով ամրացրու պարույրին, որպեսզի ստացվի փակ օղակ.

2_wm
3. Ստացված օղակին ամրացրու այլ գույնի թղթի երիզ։ Թող սոսինձը լավ չորանա։

3_wm
4. Երկրորդ երիզը փաթաթի պատրաստի օղակի վրա և արտաքին ազատ ծայրը սոսնձի օգնությամբ ամրացրու։ Եթե ցանկանում ես կաթիլի ձև հաղորդել թիթեռի թևին, ապա օղի մի ծայրը սեղմի մատներով.

4_wm
5. Թիթեռ պատրաստելու համար անհրաժեշտ է 4 թև, որոնցից յուրաքանչյուր 2-ը պետք է իրար նման լինեն։ Դրանք պատրաստելուց հետո թող, որ սոսինձը լավ չորանա։

5_wm
6. Այժմ ստվարաթղթից կտրի թիթեռի մարմին և այն ուղղահայաց դիրքով դնելով նրա երկու կողմերից սոսնձի թիթեռի թևերը.

6_wm
7. Ստվարաթղթի վրա սոսնձի սև երիզ և դրա ծայրը ոլորի։ Դա կդառնա մեր թիթեռի գլուխը.

7_wm
8. Սպիտակ երիզը երկարությամբ բաժանի երկու մասի, ծայրերը ոլորի և ամրացրու սև երիզի վրա՝ գլխի հատվածում։

8_wm
9. Թիթեռի մարմինը կարելի է ամրացնել բարակ մետաղալարի օգնությամբ՝ այն փաթաթելով թիթեռի մարմնի շուրջը.

9_wm

Թիթեռը պատրաստ է.

0_wm

Կիսվել Share on Facebook0Share on Google+0Tweet about this on TwitterShare on VKEmail this to someone
| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.