«Դեպի վեր» մուլտֆիլմի պապիկի թղթե տարածական մոդելը

0
58

papikՄիասին պատրաստենք «Դեպի վեր» մուլտֆիլմի հերոս պապիկի տարածական թղթե մոդելը։

Այն պատրաստելու համար անհրաժեշտ է ներբեռնել և տպել շաբլոնները, ապա հետևելով հրահանգներին՝ հերթականությամբ կատարել դրանք։ 

Անհրաժեշտ են՝ գրասենյակային թուղթ կամ ստվարաթուղթ, պրինտեր, մկրատ, սոսինձ։

Քայլերի հերթականությունը.

1. Ներբեռնեք և ստվարաթղթի կամ գրասենյակային թղթի վրա տպեք շաբլոնները։ Մկրատի օգնությամբ եզրագծերով կտրեք դրանք։ Գծիկավոր գծերով հատվածները ծալքի գծեր են։
2. Վերցրեք պապիկի գլխի նկարը և գծիկավոր հատվածները ծալեք դեպի դուրս։ Ա և Բ սոսնձման հատվածները սոսնձի օգնությամբ ամրացրեք մազերին, իսկ վզի վրա գտնվող Դ հատվածները՝ ականջների հատվածի հակառակ կողմին սոսնձեք։
Վերցրեք գլխի հակառակ կողմը, ծալեք բոլոր գծիկավոր հատվածները դեպի դուրս, բացի ամենաներքևի հատվածից։ Այդ հատվածը ծալվում է դեպի ներս։
Սոսնձի օգնությամբ ամրացրեք գլխի դիմային և հետևի հատվածները։
3. Համանման ձևով ծալեք և սոսնձեք պարպիկի մարմինը։
Սոսնձման եռանկյուն հատվածները, որտեղ չկա «ծալել» նշումը, պետք է կտրել մկրատով։
4. Կտրատում և ծալում ենք ձեռքերը և սոսնձում համապատասխան հատվածները։ Ձախ ձեռքի վրա՝ «Ը» նշումի մոտ առկա փոքրիկ գծիկի վրա պետք է մկրատի օգնությամբ կտրվածք անել։
5. Պապիկի քայլակը պատրաստելու համար անհրաժեշտ է շաբլոնը ծալել նշված հատվածում, սոսնձել իրար։ Ապա քայլակի անիվների միացման կետում նշված հատվածում փոքրիկ կտրվածք անել և անիվները իրար հագցնել այդ կտրվածքների միջոցով։
6. Պատրաստի քայլակի պոչը հագցնում ենք ձախ ձեռքի վրա նախօրոք բացված անցքի մեջ։
7. Մնում է պապիկի արդեն պատրաստի մարմինը, գլուխն ու ձեռքերը սոսնձի օգնությամբ միացնել իրար։

Շաբլոնները.
(նկարները մեծ չափով տպելու համար ակտիվացրեք դրանք)

Gluxglxi hetevMarmin

Tever

ԹՈՂՆԵԼ ՊԱՏԱՍԽԱՆ

խնդրում ենք մուտքագրել Ձեր մեկնաբանությունը!
խնդրում ենք մուտքագրել ձեր անունը այստեղ