Գիպսե հուշ՝ փոքրիկի ոտնաթաթի և ձեռքի թաթիկի պատկերով

00_wm00_wmՓոքրիկի նորածին տարիքից ծնողների համար գեղեցիկ հուշ է դառնում նրա ոտնաթաթի և ձեռքի թաթի գիպսե պատկերը։
Փոքրիկ.am կայքը ձեր ուշադրությանն է ներկայացնում այդ հուշի ինքնուրույն պատրաստման նկարագրությունը։

Պատրաստածքը պատրաստելու համար անհրաժեշտ է՝
թերթ, ստվարաթուղթ, սոսինձ «Момент», շինարարական գիպս, ջուր, պլաստիլին, մատիտ, փչվող ներկ, ակրիլային կարմիր գույնի ներկ, սպիտակաձավար (մաննի), էմուլսիա սոսինձ։
Առաջին հերթին պետք է պատրաստել պատրաստվածքի հիմքը, որի վրա պետք է ամրացվեն ոտնաթաթի և ձեռքի թաթի պատկերները։ Մեր դեպքում հիմքը կլինի սրտիկի նման։
Այն պատրաստելու համար վերցնենք թերթը և երկտակ ծալած վիճակում վրան նկարենք սրտի կեսը։

1_wm1

Այն կտրելով կստանանք սրտիկ։ Այնուհետև այդ սրտիկը դնենք ստվարաթղթի վրա և ստվարաթղթից սրտիկ կտրենք։

2_wm2
Հաջորդ քայլում ստվարաթղթից բարակ երկար երիզ ենք կտրում։ Այդ երիզի լայնությունից կախված է մեր պատրաստվածքի հիմքի հաստությունը։

4_wm1
Երիզը սրտիկին ենք սոսնձում այնպես, որ ճեղքեր չմնան։

5_wm1
Սոսինձը չորանալուն պես պատրաստում ենք գիպսի և ջրի խառնուրդ։ Խառնուրդի խտությունը պետք է խիտ թթվասերի խտությանը նման լինի։ Խառնուրդը պատրաստելուց անմիջապես հետո այն լցնում ենք սրտիկի մեջ, քանի որ գիպսը բավականին արագ է չորանում։

6_wm1
Պատրաստվածքը որոշ ժամանակ թողնում ենք չորանալու։ Երբ գիպսը քարանում է, զգուշորեն հեռացնում ենք թղթե հիմքը։ Արդյունքում ստացվում է գիպսե սրտիկ։

7_wm1
Այնուհետև վերցնում ենք ակրիլային ներկերը և ներկում սրտիկի մակերեսը։ Թողում ենք մինչև լրիվ չորանա։

8_wm1
Երբ ներկը չորանա, սրտիկի եզրերին վրձինի օգնությամբ քսում ենք էմուլսիա սոսինձ, ապա անմիջապես պատրաստվածքի վրա լցնում սպիտակաձավարը:

9_wm
Երբ սոսինձը չորանա, պատրաստվածքը շուռ ենք տալիս, որպեսզի ավելորդ սպիտակաձավարը թափվի։

Այսպիսով, հիմքը պատրատ է։ Անցնենք ոտնաթաթի պատկերի պատրաստելուն։
Վերցնում ենք պլաստիլինի մեծ կտոր և լավ տրորում, որպեսզի այն լինի միատարր և փափուկ։ Այնուհետև սեղմում ենք պլաստիլինը և որևէ հարթ մակերես ունեցող իրով հարթեցնում ենք նրա մակերսը (օրինակ տախտակի կտորով, կամ լազերային սկավառակի միջոցով)։

10_wm

 

Որպեսզի պլաստիլինը մի քիչ փափուկ լինի, այն պետք է տաքացնել։ Իսկ փափուկ պլաստիլինն անհրաժեշտ է, որպեսզի երեխայի ոտքնահետքը հնարավորինս պարզ ընդգծվի։
Փափուկ պլաստիլինը դնում ենք երեխայի ոտքի տակ և զգուշորեն սեղմում՝ հատկապես կրունկի ու մատիկների հատվածը։

11_wm
Այնուհետև երեխայի ոտնահետքով պլաստիլինը դնում ենք սառցախցիկը, որպեսզի այն սառի ու պնդանա։
Մոտ կես ժամից այն հանում ենք սառնարանից, կրկին պատրաստում գիպսի և ջրի խառնուրդ ու խառնուրդն անմիջապես լցնում պլաստիլինի վրա եղած ոտնահետքի մեջ։

12_wm
Թողնում ենք պատրաստվածքը, մինչև գիպսը լրիվ պնդանա։ (Դրա համար կարող է անհրաժեշտ լինել 3 ժամից մինչև 1 օր ժամանակ)։
Չորանալու հետո պատրաստվածքը դնենք միկրոալիքային վառարանի մեջ մոտ 30 վայրկյան տևողությամբ։ Դա արվում է, որպեսզի ծեփամածիկը հեշտությամբ պոկվի գիպսից։ Վառարանից հանելուց հետո պլաստիլինը զգուշությամբ պոկում ենք գիպսից։

13_wm
Պատրաստի գիպս ոտնահետքը ներկում ենք փչվող ներկի օգնությամբ և սոսնձի օգնությամբ ամրացնում սրտիկ-հիմքին։

14_wm

 

Նման ձևով պատրաստվում է նաև ձեռքի թաթի պատկերը։

00_wm

 

Կիսվել Share on Facebook0Share on Google+0Tweet about this on TwitterShare on VKEmail this to someone
| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.