Գառնուկ պլաստիլինից

0_wmՊատրաստենք գառնուկ պլաստիլինից։

Անհրաժեշտ են. սպիտակ, վարդագույն, մանուշակագույն և սև գույների պլաստիլին, ատամմաքրիչ փայտիկներ։

1. Գլուխն ու ականջները
– սպիտակ պլաստիլինից պատրաստենք 6 մանր գնդեր, 2 հատ ոլոռի մեծության գնդեր և 1 հատ մեծ վարդագույն ոլոռի չափով։

1_wm
– Մանր 6 սպիտակ գնդերը իրար կպցնենք։ Կստանաք գլխի խոպոպները։ Երկու սպիտակ ոլոռի մեծության գնդերից պատրաստենք կոնաձև դետալներ։ Վարդագույն գնդից պատրաստենք ձվաձև դետալ, որը կլինի մեր գառնուկի գլուխը։
– Խոպոպներն ամրացնենք գառնուկի գլխին։ Կոնաձև սպիտակ դետալները սեղմելով ստանանք ականջները։ Ատամմաքրիչ փայտիկի օգնությամբ գլխի քթի հատվածում խազենք v-աձև գիծ (քիթը)։ Քթի տակից ստվարաթղթի եզրը օգնությամբ սեղմելով ակոս ստանանք, որը կլինի մեր գառնուկի բերանը։
– Ամրացնենք ականջները գլխի խոպոպների տակը։

6_wm

 

2. Աչքերը
– Մանուշակագույն պլաստիլինից պատրաստում ենք 2 փոքրիկ գնդեր, և ևս 2 գունդ՝ համեմատաբար մեծ։ Պատրաստում ենք 2 ավելի մեծ գնդեր (աչքերը) ու 2 շատ փոքր սև գունդ, որոնք կլինեն աչքի բբերը։

2_wm
– Մանուշակագույն գնդիկները վերածենք գլանների, իսկ սև գնդիկներն ամրացնենք սպիտակ գնդերի վրա և ստանանք աչքերը։
– Համեմատաբար մեծ վարդագույն գլանները տափակեցնենք։ Կստանանք գառնուկի աչքերի կոպերը։
– Աչքերի վերին հատվածին ամրացնենքք մանուշակագույն կոպերը և աչքերը կպցնենք գառնուկի մռութին՝ իրենց տեղերում։ Մյուս երկու մանուշակագույն գլանները թեթևակի ծռենք և ամրացնենք աչքերի և խոպոպների արանքում՝ ստանալով ունքերը։

7_wm

3. Մարմինը
– 2 սպիտակ գունդ պատրաստենք՝ մեկը ոլոռի չափ, իսկ մյուսը՝ ընկույզի։

3_wm
– Փոքրի գնդից պատրաստենք կարճ գլան (վիզը), իսկ մեծ գնդից՝ մեծ ու հաստ գլան (մարմինը)։
– Մարմինն ու վիզն իրար ամրացնենք ատամմաքրիչ փայտիկի կեսի օգնությամբ։ Փայտիկի ծայրը վզի մյուս կողմից պետք է դուրս մնա։
– Գառնուկի գլուխը հագցնենք փայտիկի դուրս մնացած ծայրի վրա։

8_wm

4. Ոտքերը
– Պատրաստենք 4 վարդագույն գնդեր՝ մեծ ոլոռի չափով և 4 մանուշակագույն համեմատաբար փոքր գնդեր։

4_wm
– Վարդագույն գնդերից պատրաստենք երկար գլաններ (ոտքերը)։ Մանուշակագույն գնդերից պատրաստենք սուր ծայրերով կարճ գլաններ (կոճղակները)։
– Կոճղակները ճկենք ինչպես ցույց է տրված նկարում։
– Ոտքերն ամրացրեք կոճղակի վրա։ Մի ձեռքով բռնենք ոտքը, իսկ մյուսով պտտեցնելով ոտքի մեջ խրենք ատամմաքրիչ փայտիկը։ Այնուհետ փայտիկը հանենք, դրա մի կեսը կոտրենք և բութ ծայրով փայտիկը կրկին անգամ մտցնենք արդեն բացված փոսիկի մեջ այնպես, որ այն հասնի մինչև աշխատանքային սեղանին։
– Գառնուկի մարմինը հագցնենք ոտքերից դուրս պրծած ատամմաքրիչ փայտիկների սուր ծայրերի վրա։

9_wm

5. Մորթին
– Մեծ քանակությամբ մանր սպիտակ գնդիկներ պատրաստենք։

5_wm
– Գառնուկի ողջ մարմինը պատենք այդ մանր սպիտակ գնդիկներով։

0_wm

Կիսվել Share on Facebook0Share on Google+0Tweet about this on TwitterShare on VKEmail this to someone
| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.