Շուտասելուկներ

shutaselukԿարդացեք կամ արտասանեք արագ և բարձրաձայն.

***
Սա ասի՝ նա կանի, նա ասի՝ սա կանի:

***
Մուկը մատը մատին կտա,
Տան կարասը պատին կտա:

***
Սանասա՛ր, սա լուսին է, իսկ սա՝ սար:

***
Շուշանիկը սուս անի, նստի մոտը Սուսանի:

***
Արտին մոտիկ՝ մոռ ու մորի,
Մռռան կատուն կտրորի:

***
Ցոլակը ցատկեց
Ցից ցանկապատից,
Ցանկապատը ցնցվեց
Ցոլակի ցատկից:

***
Ուսուցիչը չինացի ցրիչից գրիչ ուզեց:

***
Մկրատը տու՛ր Մկրտիչին, թող մտրակը մկրատով կտրի:

***
Փամբակում փափուկ բամբակ կա:

***
Մի փուչի՛կ փչիր. թռչում է՝ թող թռչի, չի թռչում՝ թող չթռչի:

***
Բացի դեղձի չրից ոչինչ չտա՛ս ցրիչ Մկրտիչին:

***
Զարթուցիչը ջեռուցիչից հեռու՛ դիր:

***
Ճուտը ճկեց ծիտը, կծեց ծտի ճիտը:

***
Մուկն ու կատուն
Այս դարում
Հաշտ կխաղան
Օրն ի բուն:
Կվազվզեն իրար հետև,
Կպախկվեն դռան հետև:

***
Բուռ-բուռ ալյուր շաղեցինք,
Փուռը տարանք եփեցինք,
Փռապանը համեմեց,
Բուռ-բուռ ցորեն նվիրեց:

***
Հարսնապու՞ր,
Կաթնապու՞ր,
Անուշապու՞ր,
Թանապու՞ր,
Ո՞րը եփեմ Ասատուր:

***
Շահը շահին ասաց՝ շահ,
Կլինի՞ շահը անշահ:
Շահը՝ անշա՞հ, շահն ասաց,
Թե անշահ է՝ էլ ի՞նչ շահ:

***
Համով, համով, համով, համով,
Համով ծամոն ունի Համոն,
Համով ծամոն ծախող Համոն
Իր ծամոնն է ծամում համով:

***
Ձուկը գցեմ ձուկը ուտեմ,
Մուկը գցեմ ձուկը ուտեմ:

***
Շուշանիկը Շուշիկին շուտասելուկ շշնջաց:

***
Մեր տան դռան տանձի ծառին տասը-տասը ծանր տանձ կա կախված:

***
Ձմռան ցուրտը երբ տիրեց
Սառնամանիքը պատեց,
Սառույցը կոտրելու
Սառցաբեկը գործ դրեց:

***
Հավը հավկիթ ածեց,
Ջայլամը տեսավ զարմացավ,
Ջայլամը հավկիթ ածեց,
Հավը տեսավ զարմացավ:

***
Ծույլ-ծույլ կնստես
Աստղերին բույլ կտեսնես:

***
Պապը պատի տակ,տատը պատի տակ։

***
Մկրատ տուր մտրակ տամ, մտրակ տուր մկրատ տամ

***
Սարի ուսին սիրուն լուսին, սիրուն լուսին սարի ուսին:

***
Մուկ թողեմ ձուկ ուտեմ , ձուկ թողեմ ձուկ ուտեմ

***
Ճայը ճկեց ճիտը, կծեց ճտի ճիտը

***
Ձին ձորում, Ջորին ջրում:

***
Կար–չկար մի գաճաճ արջ կար, այդ գաճաճ արջի աջ աչքը չկար։

***
Ծտի ճուտը՝ ճմբան ծերին, ծտի ճտի ճիտը՝ ծուռ։

***
Քեռու ջորու ձախ ճուռը ծուռ է

***
Փայտփորիկը փորեց փայտի փտած փորը

***
Գառը գարնան, ձյունը ձմռան:

Կիսվել Share on Facebook5Share on Google+0Tweet about this on TwitterShare on VKEmail this to someone

| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.